Bugun,

  • USD 11095.31
  • RUB 173.84
  • EUR 10772.44

Nyu-Yorkda bolalar ovqati (sutli aralashmasi) yetishmasligi tufayli, favqulodda holat rejimi joriy etildi, deb yozadi “RBK”. Tegishli farmon shahar meri Erik Adams tomonidan imzolandi.

Foto: Getty Images

Foto: Getty Images

“Ushbu hujjat Nyu-York shahar iste’molchilari va ishchilarini himoya qilish departamentiga… sutli aralashmalar narxi oshirilishi oldini olish vakolatini beradi”, — deyiladi farmonda.

Amerika hukumati ma’lumotlariga ko‘ra, mamlakat bo‘ylab yirik chakana savdogarlarning 40 foizdan ortig‘ida sutli aralashmalar zaxiralari tanqisligi kuzatilmoqda. Tanqislik Abbott kompaniyasi ishlab chiqarish liniyasi faoliyati to‘xtatilishi natijasida yuzaga kelgan. Bu AQShdagi eng yirik bolalar ovqatlari yetkazib beruvchilaridan biri hisoblanadi.

Kompaniya mahsulotlarida kasallik qo‘zg‘atuvchi bakteriyalar aniqlangan, ular ikki bolaning o‘limiga sabab bo‘lgan. Kompaniya yuzaga kelgan vaziyatdan chiqish yo‘llarini qidirayotganini ma’lum qildi.

AQSH prezidenti Jo Bayden kam ta’minlangan ayollarga kerakli bolalar ovqatini olishni osonlashtiruvchi qonunni imzoladi.

Tanqislik tufayli Nestle kompaniyasi AQSHga Shveysariya va Niderlandiyadan gipoallergen bolalar aralashmalarini yetkazib bermoqda.

16-may kuni Abbott kompaniyaning Michigandagi zavodi ikki hafta ichida o‘z ishini tiklashi ehtimolini aytgandi.

Izoh
Asosiy yangiliklar
Sport
Tata Steel Chess 2023. Nodirbek Abdusattorov amerikalik raqibi bilan durang o‘ynadi va hamon musobaqa peshqadami bo‘lib turibdi. Javohir Sindorovda ham durang
Mahalliy
Surxondaryodan topilgan ayiq bolasi zooparkka topshirildi
Mahalliy
O‘zbek tili darsligida musiqa asboblari nomi xato yozilgani aytildi (video)