2022-yilning yanvar—mart oylarida O‘zbekistonga 12 ta xorijiy davlatdan qiymati 6,3 million dollariga teng bo‘lgan 16,3 ming tonna olma import qilingan. Bu haqda Davlat statistika qo‘mitasi xabar berdi.
Foto: “Daryo” / Madina Nurman
Ma’lum qilinishicha, olma importi hajmi o‘tgan yilning mos davri bilan solishtirilganda 15,5 ming tonnaga yoki qariyb 20 baravarga oshgan.
2022-yilning yanvar-mart oylarida O‘zbekiston eng ko‘p olma import qilgan davlatlar:
- Eron – 12 ming tonna;
- Ukraina – 1,4 ming tonna;
- Moldova – 1,2 ming tonna;
- Polsha – 1,1 ming tonna;
- Turkiya – 527 tonna.
Avvalroq O‘zbekiston oziq-ovqat importini keskin oshirgani, dastlabki uch oyda eng ko‘p oziq-ovqat import qilingan davlatlar ro‘yxati e’lon qilingani, 3 oyda 10 ming tonnadan oshiq qoramol go‘shti import qilingani haqida xabar berilgan.
