Bugun,

  • USD 11095.31
  • RUB 173.84
  • EUR 10772.44

Atom energiyasi bo‘yicha xalqaro agentlik (MAGATE) Ugandaga elektr energiyasi ishlab chiqarish uchun yadroviy inshoot qurishni boshlashga ruxsat berdi, deb yozmoqda Sinhua agentligi.

Foto: Elements envato

Foto: Elements envato

Uganda hukumati Sharqiy Afrikada birinchi atom elektr stansiyasini (AES) qurish uchun yer sotib olganini ma’lum qildi. Qayd etilishicha, qit’adagi qahva donalarining asosiy eksportchisi hisoblanadigan ushbu mamlakat elektr energiyasi ishlab chiqarish quvvatini bir necha baravar oshirishga harakat qilmoqda.

“Biz bu quvvatdan yadroviy qurol emas, qishloq xo‘jaligi uchun elektr energiyasi ishlab chiqarishda foydalanishni istaymiz”, — dedi Uganda prezidenti Yoveri Kaguta Museveni va bunga sabab sifatida mamlakatda gidroenergetika manbalarining taqchilligini keltirdi.

Energetika bo‘yicha davlat vaziri Sidronius Opolot Okasayning aytishicha, Uganda milliy atom energetikasi infratuzilmasini rivojlantirish bo‘yicha MAGATEning bosqichma-bosqich yondashuvini qabul qilgan.

Yondashuv uch bosqichdan iborat: birinchisi — atom energetikasi loyihasini boshlashdan oldin majburiyatlarni va resurslarga bo‘lgan talablarni tushunish, ikkinchi bosqich — ixtisoslashtirilgan atom inshootlarini qurishga tayyorgarlik ishlari, uchinchi bosqich — qurilishni boshqarish va foydalanishga tayyorlashni o‘z ichiga oladi.

Vazirning ta’kidlashicha, atom elektr stansiyasini qurish joyi allaqachon belgilangan, jumladan, 2000 megavatt quvvatga ega AESni joylashtirish uchun yer olingan.

Izoh
Asosiy yangiliklar
Dunyo
“Ukrainadagi urushni Rossiya boshlamagan” — Putin (video)
Mahalliy
O‘zbekistonda davlat tashkilotlari mashinalariga gaz quyish vaqtincha taqiqlandi
Mahalliy
Toshkentda Cobalt yo‘ldan o‘tayotgan ona-bolani urib yubordi (video)