Rivojlanayotgan bozorlar savdo assotsiatsiyasi (Trade Association for the Emerging Markets, EMTA) savdogarlarga 6-iyundan boshlab rubl kursini Moskva birjasi o‘rniga aniqlash uchun WM/Refinitiv ma’lumotlaridan foydalanishni tavsiya qildi. Bu haqda assotsiatsiya bayonotiga tayanib, Bloomberg yozmoqda.
Agentlikning qayd etishicha, bu Rossiya valyutasining ishonchliligiga shubha qilgan savdogarlar ishini osonlashtiradi.
Buning sababi esa Rossiya Ukrainada harbiy amaliyotlar boshlanganidan keyin keng qamrovli sanksiyalarga duchor bo‘lgan va kapital nazorati o‘rnatilgan.
Rivojlanayotgan bozorlar savdogarlari assotsiatsiyasiga Bank of America, J.P. Morgan Chase, Credit Suisse, Deutsche Bank, Goldman Sachs, Morgan Stanley, Societe Generale, Barclays va boshqa moliya institutlari kiradi.
Mart oyi boshida dollar kursi o‘zining tarixiy maksimalini yangilab, 121,5275 rublga yetgan edi. Biroq shundan keyin Rossiya valyutasi mustahkamlana boshladi. 11-may sanasiga ko‘ra Moskva birjasida dollar kursi, taxminan, 70 rublni, Markaziy bank kursi 67,3843 rublni tashkil qiladi.
Avvalroq rubl so‘mga nisbatan tarixda eng yirik qiymatda ko‘tarilgani haqida xabar berilgan edi.
Izoh (0)