Oppo K10: Dimensity 8000 Max protsessori o‘rnatilgan dunyodagi birinchi smartfon taqdim etildi

Oppo K10 5G — MediaTek’ning yangi protsessori bazasida yaratilgan dunyodagi birinchi smartfon. Dimensity 8000 Max o‘zidan oldingi versiyadan chastotalari soni kamaytirilgani bilan bilan farq qiladi, deb xabar beradi GizmoChina.

Qo‘shimcha ulanishlari borasida Oppo gadjetga eng tezkor Wi-Fi 6 va 5G’ni, LPPDR5 tezkor xotirasi va UFS 3.1 ichki xotirani o‘rnatgan bo‘lib, bu o‘yin vaqtidagi har qanday uzilishlarning oldini olishga xizmat qiladi.

Oppo K10 5G smartfoni 120 gertsli yangilanish chastotasi va maksimal yorug‘ligi 600 nit bo‘lgan, FHD sifatni qo‘llab-quvvatlovchi 6,59 dyuymli LTPS-displey bilan jihozlangan. Qurilma ichidan o‘rin olgan sig‘imi 5000 mA/soatga teng akkumulyator 67 vattli tezkor quvvatlanish imkoniyatiga ega.

O‘yin jarayoni yoqimli ketishi uchun taktil hissiyotni inobatga olmasdan bo‘lmaydi. Aynan shu sababli Oppo K10 5G’ga X o‘qi bo‘yicha vibratsiya beruvchi dvigatel o‘rnatilgan. Vibromotor tizimini yaratishga Razer kompaniyasi jalb etilgan.

Oppo K10 Pro — yangi lineykadagi yana bir smartfon. Unga Qualcomm Snapdragon 888 protsessori, 120 gertsli chastota va 1300 nit maksimal yorug‘likni taqdim etuvchi 6,62 dyuymli Samsung E4 OLED displeyi o‘rnatilgan. Akkumulyatori ham yuqoridagidek, biroq quvvatlanish tezligi ortgan — 80 vatt.

Smartfonga xuddi bazaviy modeldagi kabi Android 12 ning ColorOS 12 operatsion tizimi o‘rnatiladi.

Oppo K10 5G:

• 8 GB+128 GB — 1999 yuan (302 dollar);
• 8 GB+256 GB — 2199 yuan (332 dollar);
• 12 GB+256 GB — 2499 yuan (377 dollar).

• 8 GB+128 GB — 2499 yuan (377 dollar);
• 8 GB+256 GB — 2799 yuan (423 dollar);
• 12 GB+256 GB — 3199 yuan (483 dollar).

Avvalroq Oppo kompaniyasi 5G aloqa tarmog‘iga ega hamyonbop smartfonini sotuvga chiqargandi.