Poco kompaniyasi ajoyib texnik tavsifga ega hamyonbop Poco Watch “aqlli” soatlarini taqdim etdi, deb xabar beradi GSMArena.
Smart-soat piksellar nisbati 360x320 bo‘lgan 1,6 dyuymli AMOLED-displeyga ega bo‘ldi. Korpus yengil plastikdan ishlangan, devays og‘irligi — 31 gramm. Soatlar namlikdan qo‘rqmaydi, biroq yuvinishdan oldin uni yechib qo‘yish tavsiya etiladi — ular 5 ATM bo‘yicha namlikdan himoyalangan.
Smart-soatlarda funksiyalar jamlanmasi standart: pulsometr, qondagi kislorod miqdorini ko‘rsatuvchi monitor va 100 dan ortiq mashg‘ulot rejimlari. Shuningdek, ichki GPS ham mavjud. Poco’ning ma’lum qilishicha, “aqlli” soatlar bir marta quvvatlanish orqali 14 kungacha ishlay oladi.
29-apreldan Aliexpress va boshqa onlayn-platformalar orqali sotuvga chiqadigan soat narxi 80 yevroni tashkil etadi.
Poco Watch’dan tashqari, yana bir aksessuar — Buds Pro Gensin Impact naushniklari taqdim etilgan. U Poco’ning mashhur o‘yin bilan hamkorligi mahsuli hisoblanadi.
Naushniklar tilla rangli hoshiyaga ega qizil rangli g‘ilofi bilan ajralib turadi. Bundan tashqari, devaysning ayrim qismlarida kichkina ixcham to‘rt barli beda rasmini ko‘rish mumkin — bu Genshin Impact o‘yiniga ishora.
Texnik jihatdan u standart modeldan farq qilmaydi: naushniklar Bluetooth 5.2 yordamida ikkita qurilmaga ulana oladi. Shuningdek, faol shovqin so‘ndiruvchi funksiyaga ega. Bir marta quvvatlanish orqali 28 soat avtonom ishlay oladi. Poco Buds Pro Genshin Impact narxi 70 yevroni tashkil etadi.
Eslatib o‘tamiz, 2021-yilning mayida Xiaomi 5G aloqa tarmog‘ini qo‘llab-quvvatlovchi hamyonbop Poco M3 Pro smartfonini taqdim etgandi.
Izoh (0)