Instagram: Xorijda ko‘ngilsizlikka uchragan Shahzoda Matchonova, Ramazonni o‘zgacha qarshi olgan Feruza Normatova, hashamatli uyini ko‘rsatgan Saida Saidbekova

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.

Xonandalar Hilola Hamidova hamda Hamdam Sobirov ijrosidagi “Borolmasam” deb nomlangan qo‘shiqqa ishlangan klipda turkiyalik aktyor Burak O‘zchivitning qiyofadoshi Burak Xon suratga tushdi.

31-mart kuni sobiq “Ummon”chi Shohrux 32 yoshni qarshi oldi.

Sobiq xonanda do‘stlari tomonidan tayyorlangan syurprizni kuzatuvchilariga ko‘rsatdi.

Davron Kabulov oila a’zolari aks etgan suratni sahifasiga joyladi.

Senatorga kelin bo‘lgan aktrisa Saida Saidbekova kuzatuvchilariga hashamatli xonadonini ko‘rsatdi. Aktrisaning xonadonida yangi serial suratga olinmoqda.

“Allohning rejasi hamisha biznikidan yaxshiroqdir”, deb yozmoqda Shahzoda.

Ziyodaning “U meni deb” qo‘shig‘iga klip suratga olinmoqda.

Shahlo Ahmedova kuzatuvchilariga yangi surat bilan ko‘rinish berdi.

Jigar saratoni tashxisi qo‘yilgach, Turkiyada davolangan aktrisa Ra’no Shodiyeva olti oy deganda ilk marta mashina ruliga o‘tirgani haqida so‘zlab berdi.

Zarina Nizomiddinova muborak oyda ro‘zadorlar safiga qo‘shilishini ma’lum qildi.

Ozoda Nursaidova Sevara Nazarxonning konsert dasturiga tashrif buyurib, u haqda iliq fikrlar bildirgani aks etgan videoni sahifasiga joyladi.

Shahzoda Matchonova ayni damda Yevropada oilasi bilan hordiq chiqarmoqda. Aktrisa muxlislariga boshidan kechirgan ko‘ngilsiz holat haqida so‘zlab berdi. Aktrisaning aytishicha, u begona mamlakatda telefonini yo‘qotib qo‘ygan. “Farzandimning qanday dunyoga kelgani, birinchi yig‘isi, birinchi suratlari, birinchi marta ‘dada’ degani hamda birinchi marta turli mevalarni tatib ko‘rgandagi reaksiyasi aks etgan rasm va videolarning hammasi telefonimda edi, onalar mening holatimni yaxshi tushunadi”, deydi aktrisa.

Shahzoda keyinroq sahifasiga muzqaymoqning suratini joylab, “Xuddi bolalikdagi kabi qayg‘uni muzqaymoq bilan davolaymiz”, deya izoh qoldirdi.

Aktrisa Feruza Normatova muqaddas Ramazon oyiga o‘zgacha tayyorgarlik ko‘rib, uyini bayramona tarzda bezatdi.

31-mart kuni yana bir xonanda — Jasur Umirov tug‘ilgan kunini yaqinlari davrasida nishonladi.

Yosh kelinchak Asal Abdullayeva turmush o‘rtog‘i Jahongir Xo‘jayevning “betartibligi” haqida qisqa video tayyorladi.