Bugun,

  • USD 11095.31
  • RUB 173.84
  • EUR 10772.44

Braziliya Oliy federal sudi sudyasi mamlakatda Telegram messenjerini bloklash to‘g‘risidagi qarorini qaytarib oldi. Bunga sud talabi bajarilgani sabab bo‘lgan, deb xabar beradi G1 portali.

Foto: “TASS”

Foto: “TASS”

18-mart kuni Oliy federal sud Telegram mamlakat hukumati bilan hamkorlik qilishdan bosh tortayotgani uchun uni bloklash to‘g‘risida qaror chiqargandi. Telegram asoschisi Pavel Durov uzr so‘rab chiqib, kompaniyaning elektron pochta xatlarini yo‘naltirishda muammolari yuzaga kelganini ma’lum qildi. Braziliya prezidenti Jair Bolsonaru messenjerning bloklanishini nomaqbul deb atagan.

Shundan so‘ng, sud Telegram’ga o‘z talablari ijrosini ta’minlashi uchun bir sutka muhlat bergandi. Ular orasida Braziliyada Telegram’ning rasmiy vakilini tayinlash, mamlakat prezidentining kanalidan tergov siri bilan bog‘liq ma’lumotlarga havolalar va boshqa bir qator talablar bor.

Eslatib o‘tamiz, Telegram 2017-yili Indoneziyada, 2018-yilda esa Eronda bloklangandi. 2021-yilning 3-noyabr kuni O‘zbekiston Axborotlashtirish va telekommunikatsiyalar sohasida nazorat bo‘yicha davlat inspeksiyasi (“O‘zkomnazorat”) Telegram, YouTube, Instagram, Facebook, “Odnoklassniki”ning O‘zbekistondagi faoliyatini chekladi. Keyinroq O‘zbekiston bosh vaziri Abdulla Aripovning qaroriga asosan “O‘zkomnazorat” boshlig‘i G‘olibsher Ziyayev noto‘g‘ri va kelishilmagan xatti-harakatlari uchun egallab turgan vazifasidan chetlatilgani ma’lum bo‘ldi va ijtimoiy tarmoqlarga ulanish tiklandi.

Izoh
Asosiy yangiliklar
Mahalliy
Huquq faoli Nukus voqealarida gumonlanayotganlar qiynoqqa solinmaganini aytmoqda
Dunyo
“Daryo” kundaligida 30-noyabrda sodir bo‘lgan eng muhim voqealar
Mahalliy
Kontrabanda sigaretalar ko‘proq qaysi viloyatlar chegaralaridan olib o‘tilmoqda? Bojxonachi javob berdi