Eron rasmiylari aholining norozilik namoyishlari fonida Instagram dasturi va Telegram messenjeridan foydalanishha cheklov o‘rnatildi. Bu haqda “Interfaks” xabar bermoqda.

Foto: AP

Mamlakat televideniyesi mazkur qaror Eron oliy xavfsizlik kengashi tomonidan jamoat tartibi va fuqarolar xavfsizligini ta’minlash uchun qabul qilinganini bildirdi.

AP agentligiga ko‘ra, mamlakatdagi tartibsizliklar messenjerdagi xabarlar tufayli ommaviy tus olmoqda. Eronda ko‘pchilik namoyishlar haqida Telegram orqali xabar topmoqda va ulardan olingan fotolar bilan bo‘lishmoqda.

Eslatib o‘tamiz, Eronda o‘tgan yilning 28-dekabrida mamlakatdagi iqtisodiy vaziyat va hukumat siyosatiga qarshi norozilik namoyishlari boshlandi. Jumladan, ular Tehron, Qum, Kirmonshoh, Mashhad, Hamadon, Rashtda qayd etildi.