Bugun,

  • USD 11095.31
  • RUB 173.84
  • EUR 10772.44

Oliy Majlis Senatining Agrar, suv xo‘jaligi masalalari va ekologiya qo‘mitasi tashabbusi bilan Urganch shahrida Fanlar akademiyasi akademiklari, Toshkent Botanika bog‘i rahbariyati hamda Urganch davlat universiteti professor-o‘qituvchilari ishtirokida yangi bog‘ loyihasi muhokama qilindi. Bu haqda parlament yuqori palatasi matbuot xizmati xabar berdi.

Toshkent Botanika bog‘i

Toshkent Botanika bog‘i
Foto: “Daryo” / Madina Nurman

Yig‘ilishda voha iqlimiga moslashtirilgan o‘simliklarni ko‘paytirish va shu orqali yashil makonlar zarurligi ta’kidlangan. “Bu orqali OTMlar talabalari bunyod etiladigan botanika bog‘ida amaliyot o‘tashi, noyob o‘simliklar turlarini yaratishi va ko‘paytirishiga erishishi mumkin”, — deydi akademik Komil Tojiboyev.

Ta’kidlanishicha, “Yashil makon” umummilliy harakati doirasi Quyi Amudaryo yoki Orolbo‘yi mintaqasi florasini aks ettiradigan va mana shu yerda o‘simliklar xilma-xilligiga ixtisoslashtirilgan, maxsus chuqur tadqiqotlar olib boradigan Botanika bog‘ini yaratish tashabbusi bilan chiqilgan.

Agrar, suv xo‘jaligi masalalari va ekologiya qo‘mitasi raisi Bahodir Tojiyevning so‘zlariga ko‘ra, Botanika bog‘ini Shovot kanali yoki Urganch shahri atrofida qilish rejalashtilmoqda.

“Birinchi navbatda qilinadigan ish o‘sha joyning iqlimiga mos, tuprog‘iga mos o‘simlik dunyosini tanlab olish kerak. Ya’ni shu hudud uchun eng yaxshi o‘sadigan o‘simliklar. Toshkent botanika bog‘ida 2 mingdan ortiq tur bo‘lsa, Xorazmlar ularning hammasini olib kelib, ekib yoki ko‘paytirib bo‘lmaydi. Chunki bu yerning iqlimi Toshkentnikidan keskin farq qiladi”, — deydi Toshkent botanika bog‘i direktori Sodiqjon Abdinazarov.

Izoh
Asosiy yangiliklar
Dunyo
Britaniya hukumati “Vagner”ni terrorchi tashkilot deb e’lon qilmoqchi — The Telegraph
Dunyo
AQSHda xavfli moddalarni olib ketayotgan yuk poyezdi relsdan chiqib ketdi (video)
Mahalliy
O‘zbekistonda kelayotgan hafta boshida qanday ob-havo bo‘ladi?