Buxoro shahridagi 24-sonli ko‘zi ojiz bolalar uchun ixtisoslashtirilgan maktab-internati oldida ovozli svetofor o‘rnatildi. Bu haqda “Daryo”ga viloyat IIB YHXB axborot xizmati rahbari Ulug‘bek Shukurullayev xabar berdi.
Ta’kidlanishicha, mazkur ko‘zi ojiz bolalar uchun ixtisoslashtirilgan maktab-internati A-380 avtomagistral yo‘li yoqasi — Gazli shoh ko‘chasida joylashgan.
“Ovozli svetofor viloyat IIB YHXB hamda viloyat avtoyo‘l boshqarmasi hamkorligida o‘rnatilgan bo‘lib, svetofor sifat jihatidan ham talabga javob beradi. Jazirama issiqda ham, yog‘ingarchilikda ham buzilib qolmaydi. Svetofor har bir chiroq yongani haqida ‘to‘xtab tur’ degan ovozli xabar berib, ogohlantirib turadi. Ko‘zi ko‘rmaydigan bola quloq bilan buni eshitib, o‘z xavfsizligini ta’minlaydi”, — deydi Ulug‘bek Shukurullayev.
Qayd etilishicha, bunday ovozli svetoforlar respublikada faqatgina Samarqand hamda Buxoro viloyatlarida o‘rnatilgan.
Mavzuga doir:
Izoh (0)