Bugun,

  • USD 10940.05
  • RUB 182.26
  • EUR 11121.65

AQShda faqat autentifikatsiya qilingan foydalanuvchilar ota olishi mumkin bo‘lgan “aqlli” qurollar 2022-yilda iste’molchilarga taqdim etilishi mumkin, deb xabar beradi Reuters.

Foto: Unsplash

Foto: Unsplash

Agentlikning ta’kidlashicha, bu kabi qurolni yaratish borasidagi bahs-munozaralar 20 yildan buyon davom etmoqda.

LodeStar asoschilaridan biri Garey Gleyzerning so‘zlariga ko‘ra, u egasiz qurollarni o‘ynab otib qo‘ygan ko‘plab bolalar haqidagi voqealardan ilhomlangan. “Aqlli” qurol foydalanuvchi shaxsini autentifikatsiya qilish texnologiyasidan foydalanish orqali undan boshqa biror inson otishga uringanida, o‘chirib qo‘yish yo‘li bilan bu kabi fojialarning oldini olishga xizmat qilishi mumkin.

Shuningdek, bunday qurollar yo‘qotilgan yoki o‘g‘irlangan qurollar yordamida o‘z joniga qasd qilishlar sonini kamaytirishi, politsiyachilar hamda qamoqxona qo‘riqchilariga qurolini yo‘qotib qo‘yishdan qo‘rqmaslikka yordam beradi.

LodeStar’ga barmoq izi skaneri va telefon dasturi orqali faollashtiriladigan qisqa masofali aloqa chipi (NFC), shuningdek, PIN-kodni kirituvchi panel integratsiya qilingan. Quroldan bir necha kishi ham foydalana olishi mumkin.

Barmoq izi skaneri mikrosoniyalarda pistoletni blokdan chiqaradi, ammo nam iqlim yoki boshqa noqulay ob-havo sharoitida ishlamay qolishi mumkinligi sabab, PIN-kodni kiritishni talab qiladigan zaxira variantidan foydalaniladi.

Eslatib o‘tamiz, 2014-yilda Amerikaning Armatix kompaniyasi iP1 deb nomlangan “aqlli” pistoletlarini sotuvga chiqargandi. Ishlab chiqaruvchining ma’lum qilishicha, bu to‘pponcha qurol o‘g‘irlashlar va ularni jamoat joyida ishlatishlar sonini kamaytirishga xizmat qilishi kerak.

Izoh
Asosiy yangiliklar
Mahalliy
“Afg‘oniston iqtisodiyotini tiklash xalqaro hamjamiyatning umumiy ustuvor yo‘nalishi bo‘lishi kerak” — Vladimir Norov
Dunyo
Irlandiyadagi qamoqxonada “buyuk qochish”, sakkiz soatli ish rejimini qo‘llagan Genri Ford va qon quyish bo‘yicha birinchi muvaffaqiyatli amaliyot. Kun xronologiya...
Mahalliy
Foto: Dubay—Namangan—Dubay yo‘nalishida muntazam aviaqatnovlar yo‘lga qo‘yildi