La Liga. “Barselona” so‘nggi daqiqalarda urilgan gol evaziga 16-o‘rindagi jamoadan g‘alabani tortib oldi
Futbol bo‘yicha Ispaniya chempionatining 18-turidan o‘rin olgan o‘yinlar 18-dekabr, shanba kuni bo‘lib o‘tdi.
“Barselona” o‘z uyida “Elche”ni qabul qildi. Kataloniyaliklar safida birinchi golni 16-daqiqada Ferran Yutgla gol urdi. 19-daqiqada Gavi oradagi farqni oshirdi.
Ikkinchi 45 daqiqalikda “Elche” 62 va 63-daqiqalarda urilgan gollar evaziga hisobni tenglashtirdi. Uchrashuvning 85-daqiqasida esa Niko Gonsales “ko‘k-anorranglilar”ning uchinchi golini urdi va jamoasiga g‘alaba keltirdi.
“Barselona” ushbu g‘alabadan so‘ng ochkolari sonini 27 taga yetkazdi va yettinchi o‘ringa ko‘tarilib oldi. Hisobida 15 ochko bo‘lgan “Elche” 16-pog‘onadan joy olgan.
La Liga
18-tur bahslari
18-dekabr, shanba
“Barselona” — “Elche” 3:2
Gollar: 1:0 – 16 Yutgla, 2:0 – 19 Gavi, 2:1 – 62 Morente, 2:2 – 63 Milya, 3:2 – 85 Niko Gonsales.“Barselona”: ter Shtegen, Langle, Arauxo, Erik Garsiya, Alba, de Yong (Puch, 76), Buskets, Gavi, Yutgla (Niko Gonsales, 72), Ezzalzuli (Balde, 89), Dembele.
“Elche”: Badiya, Palasios, Roko, Diego Gonsales, Moxika (Xosema, 83), Xosan (Morente, 46), Fidel (Milya, 59), Markone (Gumbau, 46), Maskarel (Guti, 60), Lukas Peres, Boye.
Ogohlantirishlar: Milya (71), Gumbau (77), Erik Garsiya (79), Roko (86).
