O‘zbekiston futzal terma jamoasi 10 ta gol urilgan o‘yinda Qozog‘iston ustidan irodali g‘alabaga erishdi
Futzal bo‘yicha o‘rtoqlik uchrashuvida O‘zbekiston va Qozog‘iston o‘rtasidagi ikkinchi bahs 15-dekabr, chorshanba kuni bo‘lib o‘tdi.
Uchrashuvning birinchi bo‘limida qozog‘istonliklar 3:0 hisobida oldinga borayotgan edi. Ikkinchi bo‘limda Bahodir Ahmedov shogirdlari vaziyatni o‘nglashga muvaffaq bo‘ldi. O‘zbekiston tarkibida Ilhom Hamroyev, Ixtiyor Ropiyev, Akbar Usmonov, Ravshan Eliboyev o‘z hisobga bittadan gol yozdirib qo‘ygan bo‘lsa, Davron Choriyev dubl muallifiga aylandi. Yakunda O‘zbekiston futzal terma jamoasi 6:4 hisobida g‘alaba qozondi.
Ushbu terma jamoalar o‘rtasida 14-dekabr kuni o‘tkazilgan dastlabki o‘yinda Qozog‘iston 3:1 hisobida g‘alaba qozongandi.
Futzal
O‘rtoqlik o‘yini
15-dekabr, chorshanba
Qozog‘iston – O‘zbekiston 4:6
Gollar: 1:0 — 2 Birjan O‘razov, 2:0 — 3 Albert Akbalikov, 3:0 — 6 Duglas Junior, 3:1 — 23 Davron Choriyev, 3:2 — 26 Ilhom Hamroyev, 3:3 — 28 Ixtiyor Ropiyev, 3:4 — 28 Akbar Usmonov, 3:5 — 29 Davron Choriyev, 4:5 — 35 Arnold Knaub, 4:6 — 37 Ravshan Eliboyev.Izoh
Kirish
Asosiy yangiliklar
