Bugun,

  • USD 11014.01
  • RUB 191.8
  • EUR 10674.78

Dunyo va o‘zbek sportiga oid 13-dekabrning eng muhim xabarlari dayjesti bilan tanishing.

O‘zbekiston

Davlat Bobonov “PSJ” klubi bilan Chempionlar Ligasiga yo‘llanma oldi

Foto: MOQ

Foto: MOQ

O‘zbekistonlik dzyudochi Davlat Bobonov Fransiyaning “PSJ” dzyudo klubi safida Yevropa Ligasida g‘olib chiqdi va Chempionlar Ligasiga yo‘llanma oldi.

Chexiyaning Praga shahrida bo‘lib o‘tgan Yevropa Ligasida mintaqaning 13 ta erkaklar, 4 ta ayollar klublari ishtirok etdi. Erkaklar o‘rtasidagi musobaqa finalida “PSJ” klubi “Sent-Jenevev” jamoasini 4:1 hisobida yengdi. -90 kg vazn toifasida harakat qilgan Bobonov o‘z raqibini mag‘lubiyatga uchratib, jamoasining g‘alabasiga hissa qo‘shdi.

Shu tariqa Tokio—2020 bronza medali sohibi parijliklar safida Yevropa Chempionlar Ligasida qatnashadigan bo‘ldi.

“Lokomotiv” olti o‘yinchisi bilan xayrlashdi

Foto: “Lokomotiv”

Foto: “Lokomotiv”

Toshkentning “Lokomotiv” klubi bir qator futbolchilar bilan shartnoma uzaytirilmasligini ma’lum qildi. Darvozabon Javohir Ilyosov, himoyachilar Shuhrat Muhammadiyev, Xurshid Muxtorov, yarim himoyachilar Sadriddin Abdullayev, Javohir Sidiqov hamda hujumchi Marat Bikmayev “temiryo‘lchilar” safini tark etgan.

Boks. O‘zbekiston chempionatining barcha finalchilari nomi ma’lum bo‘ldi

Boks bo‘yicha kattalar o‘rtasidagi O‘zbekiston chempionatining barcha finalchilari ma’lum bo‘ldi. Final bahslari 14-dekabr, seshanba kuni bo‘lib o‘tadi.

  • -48 kg: Asilbek Jalilov — Shodiyorjon Meliqo‘ziyev
  • -51 kg: Mironshox Ibragimov — Xo‘janazar Nortojiyev
  • -54kg: Dilshod Abduvaliyev — Shahzod Muzaffarov
  • -57 kg: Hasanboy Latiboxunov — Shunqor Abdurasulov
  • -60 kg: Faryozbek Hakimov — Xurshidbek Rasuljonov
  • -63,5 kg: Ruslan Abdullayev — Mujibullo Tursonov
  • -67 kg: Javlon Yo‘ldoshev — Jahongir Rahmonov
  • -71 kg: Azizbek Tojiyev — Bobousmon Boturov
  • -75 kg: Abdulaziz Abdupattoyev — Saidjamshid Ja’farov
  • -80kg: Odiljon Aslonov — Dilshodbek Ro‘zmetov
  • -86 kg: Jo‘rabek Toshtemirov — Timur Mirjanov
  • -92 kg: Javohir Tog‘aymurodov — Jamshid Abdullayev
  • +92 kg: Jamshid Xudoyberganov — Jahongir Zokirov

Jahon

Chempionlar Ligasi 1/8 finali qur’a tashlash marosimi takroriy o‘tkazildi

Foto: UEFA

Foto: UEFA

UEFA qarorgohida Chempionlar Ligasining 1/8 finaliga qur’a tashlash marosimi bo‘lib o‘tdi. Dastlabki qur’a jarayonida texnik xato sabab “Manchester Yunayted” nomi “Vilyarreal”ning raqibi aniqlanayotgan savatchaga tushib qoldi. Buning ketidan yana uchta holatda qoida buzilgan: “Atletiko”ning raqibi aniqlanayotganda savatga “Liverpul”ning qo‘shilishi; “Manchester Yunayted”ning “Atletiko”ning raqibi aniqlanayotgan vaqtda savatda yo‘qligi; “Liverpul”ning “Vilyarreal”ning raqibi aniqlangan savatda yo‘qligi.

Natijada UEFA dastlabki qur’a marosimi natijalarini bekor qildi va uning qaytadan o‘tkazilishini ma’lum qildi.

Qayta o‘tkazilgan qur’a esa “Real” klubining noroziligiga sabab bo‘ldi. Dastlabki jarayonda “Benfika”ga raqib bo‘lgan madridliklarga takroriy qur’ada “PSJ” duch kelib qoldi. Bir tomondan “Real”ning noroziligini tushunish mumkin. Sababi “Benfika” — “Real” juftligi texnik xatoga qadar aniq bo‘lgan va unda hech qanday qoida buzilishi qayd etilmagandi.

Serxio Aguero faoliyatini yakunlaydi

Foto: Twitter

Foto: Twitter

Marca’ning xabar qilishicha, “Barselona” hujumchisi chorshanba kuni bo‘lib o‘tadigan maxsus matbuot anjumanida futbolchilik faoliyatini yakunlashi haqida rasman e’lon qiladi.

Qayd etilishicha, Aguero taxikardiya sabab ortiq faoliyatini davom ettira olmaydi. Futbolchi oktabr oyida yuragidagi muammo sabab “Alaves”ga qarshi o‘yinni (1:1) davom ettira olmagandi.

Avvaliga futbolchi uch oy maydonga tusha olmasligi aytildi, biroq keyinchalik vaziyat jiddiy ekani ma’lum bo‘ldi.

Koronavirus endi “Manchester Yunayted”ga “hujum qilmoqda”

“Manchester Yunayted” jamoada koronavirus tarqalishi haqida bayonot berdi. Klub kasallikning tarqalish xavfini minimallashtirish uchun mashg‘ulotlar bazasini bir kunga yopishini e’lon qildi. Test natijasi ijobiy chiqqan futbolchilar esa izolyatsiyaga olingan.

Shuningdek, klub 14-dekabr, seshanba kuni bo‘lib o‘tadigan “Brentford”ga qarshi o‘yinning qoldirilishi mumkinligini inkor etmadi.

Avvalroq “Tottenhem”da koronavirus avj olgani sababli “shporlar”ning Konferensiyalar Ligasi doirasidagi “Renn”ga qarshi o‘yini qoldirilgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!

Izoh
Asosiy yangiliklar
Kino
Vaqtingizga achinmaysiz: So‘nggi o‘n yillikning eng yaxshi multfilmlari (video)
Mahalliy
O‘zbekiston davlat xizmatlari sohasida qariyb 100 mingta qonunbuzilish holati aniqlandi
Mahalliy
O‘zbekistonda kuz-qish mavsumi oldidan suv tarmoqlarini sozlash ishlari qanday ketayotgani aytildi