Moskva shahrida bo‘lib o‘tgan WEF musobaqasida o‘zbekistonlik va qirg‘izistonlik o‘rtasida ommaviy janjal kelib chiqdi.
WEF musobaqasida asosan Markaziy Osiyo mamlakatidan kelgan sportchilar jang qiladi — voqea sodir bo‘lgan kuni o‘zbekistonlik va qirg‘izistonlik sportchilar jangi belgilangan edi, deya xabar qilmoqda Eurosport.
O‘zbekistonlik jangchi Namozjon Samiyev g‘alabadan so‘ng o‘z fikrlarini bildirish jarayonida istalgan shaxs bilan jang qilishga tayyorligini e’lon qildi. O‘sha joydagilardan biri darhol chaqiruvga javob berdi. Nigohlar to‘qnashuvi jarayonida Samiyev kutilmaganda potensial raqibining boshiga tizzasi bilan zarba berdi. Yakkakurashchining ushbu harakati tomoshabinlarga yoqmadi, 50 ga yaqin kishi qafas ichiga kirib keldi va ommaviy janjal boshlandi.
Guvohlardan birining aytishicha, tomoshabinlardan birining gaplaridan keyin janjalni to‘xtagan: “O‘zbeklar! Qirg‘izlar! Biz aka-ukalarmiz! Nima qilyapsizlar? Bu sport, unda shunday bo‘lib turadi!”.
Voqea yuzasidan surishtiruv boshlangan.
Avvalroq O‘zbekistonlik MMA jangchisi Rossiyada maxsus xizmat xodimlari bilan mushtlashgani va hibsga olinganidan keyin politsiya mahkamasidan qochib ketgani, Guam orolida istiqomat qiluvchi, asli o‘zbekistonlik bo‘lgan MMA jangchisi Akmal Hojiyev vaksinatsiya mavzusidagi tortishuv sabab o‘z uyida shifokorni o‘ldirib qo‘ygani xabar qilingandi.
Izoh (0)