Xorazm viloyatida poyezd odam urib ketgani haqida xabarlar tarqaldi. Xabarni Transport va turizm obyektlarida xavfsizlikni ta’minlash departamenti “Daryo”ga tasdiqladi.
Qayd etilishicha, 2021-yil 8-dekabr kuni soat 09:25 da Istiqlol–Xazorasp temiryo‘lining 354-kilometri 7-to‘sig‘ida 55-sonli Toshkent–Urganch–Xiva yo‘lovchi poyezdi oldiga 35-40 yoshlardagi ayol kishi to‘satdan chiqib qolganligi sababli uni urib yuborgan.
Oqibatda shaxsi noma’lum ayol tanasining bosh qismidan olgan jarohat tufayli voqea joyida vafot etgan.
Olib borilgan surishtiruv ishlari davomida ayol Xorazm viloyati Tuproqqal’a tumani “Oxunboboyev” mahallasida yashovchi fuqaro S.Q. ekanligi aniqlandi. Hozirda tergovga qadar tekshiruv harakatlari olib borilmoqda.
Mavzuga doir:
