Хоразм вилоятида поезд одам уриб кетгани ҳақида хабарлар тарқалди. Хабарни Транспорт ва туризм объектларида хавфсизликни таъминлаш департаменти «Дарё»га тасдиқлади.
Қайд этилишича, 2021 йил 8 декабрь куни соат 09:25 да Истиқлол–Хазорасп темир йўлининг 354-километри 7-тўсиғида 55-сонли Тошкент–Урганч–Хива йўловчи поезди олдига 35-40 ёшлардаги аёл киши тўсатдан чиқиб қолганлиги сабабли уни уриб юборган.
Оқибатда шахси номаълум аёл танасининг бош қисмидан олган жароҳат туфайли воқеа жойида вафот этган.
Олиб борилган суриштирув ишлари давомида аёл Хоразм вилояти Тупроққалъа тумани «Охунбобоев» маҳалласида яшовчи фуқаро С.Қ. эканлиги аниқланди. Ҳозирда терговга қадар текширув ҳаракатлари олиб борилмоқда.
Изоҳ (0)