O‘zbekistonda kichik tadbirkorlik subyektlarining eng ko‘p chakana savdo tovar aylanmasi qaysi viloyatlar hissasiga to‘g‘ri kelishi aniqlandi. Bu haqda Davlat statistika qo‘mitasi xabar qildi.

Ma’lum qilinishicha, hududlar kesimida eng ko‘p chakana savdo aylanmasi hajmi Toshkent shahriga to‘g‘ri kelgan — 25,3 trillion so‘m. Keyingi o‘rinlar quyidagicha ko‘rinish olgan:

  • Toshkent viloyati — 13,9 trillion so‘m;
  • Farg‘ona viloyati — 12,1 trillion so‘m;
  • Samarqand viloyati — 11,3 trillion so‘m;
  • Andijon viloyati — 10,1 trillion so‘m;
  • Qashqadaryo viloyati — 9,6 trillion so‘m.

Eslatib o‘tamiz, O‘zbekiston hududlarining yanvar—sentabr oylaridagi yalpi ichki mahsulot hajmi bo‘yicha ma’lumot berilgandi. Unga ko‘ra, Toshkent shahri 87,8 trillion so‘m bilan yetakchilik qilgan.

Bundan tashqari, 2021-yilning dastlabki 10 oyida O‘zbekiston tashqi savdo aylanmasining hududlar kesimidagi statistikasini e’lon qilingan. Bu ko‘rsatkich bo‘yicha ham poytaxt yetakchi — 13,2 milliard dollar.