Kanadada biologiya darsi o‘tilayotgan sinf xonasiga los kirib qoldi (video)

Kanadada los maktab derazasini sindirib, xona ichiga bostirib kirdi. Bu vaqtda biologiya darsi o‘tilayotgan bo‘lgan. Bu haqda Global News xabar berdi, deb yozadi “Korrespondent.net”.

O‘quvchilar ertalab losni maktab hovlisida ko‘rishgan. Kadrlarda hayvonning sinf xonasi ichida turganini ko‘rish mumkin. “Ayni vaqtda jonivor dam olmoqda, maktab ma’muriyati esa hayvonlarni nazorat qiluvchi xizmat xodimlari kelishini kutmoqda”, — deb yozgan Twitter sahifasida Pet Dyubua. Qutqaruvchilar yetib kelganidan keyin hayvon uxlatilgan va xavfsiz joyga olib ketilgan.