4-noyabr kuni dunyo va O‘zbekiston bo‘ylab olingan sara suratlarni namoyish etamiz.

Elf Xemli Londondagi Regent ko‘chasida Rojdestvo do‘konlarining an’anaviy ochilish marosimida chiqish qildi.

Foto: AP Photo

Tashkent City hududida tashkil etiladigan ko‘rgazma doirasida 4-noyabr kuni bog‘ga Airbus H-125 vertolyoti kelib qo‘ndi. Suratda ushbu vertolyot fonidagi qurilish ishlarini ko‘rish mumkin.

Foto: “Daryo” / Madina Nurman

Tailand to‘liq emlangan sayyohlar uchun yana ochildi.

Foto: EPA

Toshkent shahri Chilonzor tumani “Ilon ota” masjidi yaqinidagi somsaxona.

Foto: Twitter / @davletovuz

O‘zbekiston Senatining Islom Karimov shohko‘chasidagi (Tashqi ishlar vazirligining sobiq binosi o‘rnida) yangi binosi deyarli tayyor. Yo‘lning ushbu qismida so‘nggi tayyorgarlik ishlari ketayotgani sabab 2 tomonlama avtomobillar harakati soat 17:10 da yana cheklab turilgan payt.

Foto: “Daryo” / Madina Nurman

Taypeyda joylashgan Teamlab raqamli san’at asarlari xonasida o‘ynayotgan bolalar.

Foto: Reuters

O‘zbekiston Senatining Islom Karimov shohko‘chasidagi (Tashqi ishlar vazirligining sobiq binosi o‘rnida) tayyor holatdagi yangi binosi oldida turgan suv mashinasi.

Foto: “Daryo” / Madina Nurman

Tehrondagi AQShning sobiq elchixonasi binosi bosib olinganining 42 yilligi munosabati bilan norozilik bildirish uchun to‘plangan ayollar.

Foto: Getty Images

O‘zbekiston Senatining Islom Karimov shohko‘chasidagi (Tashqi ishlar vazirligining sobiq binosi o‘rnida) yangi binosi oldida yangidan chizilgan piyodalar o‘tish yo‘lagi.

Foto: “Daryo” / Madina Nurman

Hindistonning Ayodxa shahri qirg‘oqlarida Divali festivali arafasida sopol chiroqlarni yoqayotgan odamlar.

Foto: AFP

O‘zbekiston Senatining Islom Karimov shohko‘chasidagi (Tashqi ishlar vazirligining sobiq binosi o‘rnida) yangi binosi oldida turgan YPX xodimi va ish transporti.

Foto: “Daryo” / Madina Nurman

Qrimda koronavirus qurbonlari xotirasiga “Vaqt” nomli quyosh soati o‘rnatildi.

Foto: “TASS”

Toshkentdagi chang bo‘roni.

Foto: “Daryo” / Dilzoda Hamidjonova

Kolumbiya hukumati 3 yoshdan 11 yoshgacha bo‘lgan bolalarni Xitoyning Sinovac vaksinasi bilan emlashni boshladi.

Foto: Getty Images

Addis Abeba shahrida Tigray mojarosi qurbonlarini xotirlash marosimida sham ushlab turgan kishi.

Foto: AFP

Tashrif buyuruvchi Seulda o‘tayotgan 2021-yilgi Koreya xalqaro belgilar va dizayn ko‘rgazmasidagi displeylarni tomosha qilmoqda.

Foto: EPA

Quyosh botishi fonidagi Ozodlik haykali.

Foto: AFP

Alyaska osmonidagi shimol yog‘dusi.

Foto: Reuters

Tokioda Pikachu ko‘rinishidagi namoyishchilar yaponlarni xorijdagi ko‘mir loyihalarini moliyalashtirishni to‘xtatishga va 2030-yilga kelib mamlakat ichida ko‘mirdan voz kechishga chaqirdi.

Foto: The Guardian

Istirohat bog‘ining kuzgi qiyofasi. Frankfurt

Foto: AP Photo

Shimoliy Irlandiya protokoliga qarshi namoyishi chog‘ida politsiya bilan to‘qnashgan ishtirokchilar.

Foto: Getty Images

Kesvik oroli yaqinida daraxtlarning kuzi ranglarini rasmga olayotgan sayyohlar. Buyuk Britaniya Kambriya okrugi.

Foto: PA