Warner Bros kompaniyasi “Dyuna” filmini 14 ta yo‘nalish bo‘yicha “Oskar” mukofotiga ilgari surdi

Warner Bros kompaniyasi rejissor Deni Vilnyovning jahon prokatida 100 million dollardan ortiq mablag‘ to‘plagan “Dyuna” filmini “Oskar” mukofotining naqd 14 ta nominatsiyasi bo‘yicha ilgari surdi. Bu haqda “Korrespondent.net” xabar beradi.

Ma’lum qilinishicha, AQSh kinoakademiyasiga murojaat kompaniyaning saytida e’lon qilingan.

Gap quyidagi yo‘nalishlar bo‘yicha ketyapti:

1. “Eng yaxshi film”
2. “Eng yaxshi rejissor”
3. “Eng yaxshi moslashtirilgan ssenariy”
4. “Eng yaxshi aktyor” (Timoti Shalame)
5. “Eng yaxshi ikkinchi darajali aktrisa” (Rebekka Fergyuson, Sheron Dunkan-Bryuster, Zendeya, Sharlotta Rempling)
6. “Eng yaxshi ikkinchi darajali aktyor” (Oskar Ayzek Josh Brolin, Stiven MakKinli Xenderson, Chan Chen, Jeyson Momoa, Xavyer Bardem)
7. “Eng yaxshi operatorlik ishi”
8. “Eng yaxshi montaj”
9. “Eng yaxshi postanovka-rassomlik ishi”
10. “Eng yaxshi  grim va soch turmaklari”
11. “Eng yaxshi ovoz”
12. “Eng yaxshi liboslar”
13. “Eng yaxshi vizual effektlar”
14. “Eng yaxshi saundtrek”.

Yo‘nalishlar bo‘yicha qanday tanlov qilinishi kinoakademiya a’zolarining qaroriga bog‘liq. Ayni vaqtda “Dyuna”ning nechta yo‘nalish bo‘yicha tasdiqlanib, qaysilarida g‘olib bo‘lishi haqida bir nima deyish mushkul. Ma’lumot uchun, 22-oktabr kuni Warner Bros’ning bosh rahbari Enn Sarnoff “Dyuna”ning davomi suratga olinishi va unga Vilnevning o‘zi rejissorlik qilishini ta’kidlagan.

Avvalroq “Dyuna” filmidagi bosh qahramonning libosi kino tarixidagi eng qimmat kostyumlardan biri bo‘lishi mumkinligi haqida xabar berilgandi.