Birovga ko‘p, boshqalarga kam: Bosh rollarni ijro etgan aktyorlarga turlicha gonorar to‘langan mashhur filmlar (foto)

Aktyorlarning gonorari bir necha omillar: mashhurlik, tajribasi, qo‘lga kiritilgan mukofot va boshqalarga bog‘liq bo‘ladi. Ushbu ro‘yxat qanchalik to‘la bo‘lsa, to‘lanadigan mablag‘ ham shuncha ko‘p bo‘ladi.

Kris Xemsvort va Entoni Hopkins “Tor”

Tor haqidagi ilk film prokatlarda 449,3 million dollar yig‘ib, 2011-yilning eng kassabop lentalari reytingida 15-o‘rinni egallagan. Bosh qahramonning otasi rolini Gollivud yulduzi Entoni Hopkins gavdalantirgan. U mazkur loyihada ishtirok etish uchun odatiy oladigan gonoraridan ikki karra kam narxga — 10 million dollarga rozi bo‘lgan. Shunday bo‘lsa-da, u suratga olish maydonchasidagi eng ko‘p haq to‘langan aktyor bo‘lib qolgan. Hali yulduz bo‘lib ulgurmagan Krisga esa bosh qahramonni gavdalantirganiga qaramay, 150 ming dollar berilgan xolos.

Jillian Anderson va Devid Duxovni “Maxfiy materiallar”

“Maxfiy materiallar” seriali unda bosh qahramon sifatida suratga tushgan Jillian Anderson va Devid Duxovniga olamshumul mashhurlik olib kelgan. Ular juftlik sifatida rol ijro qilganiga qaramay, har ikkisiga turli gonorar to‘langan. To‘rtinchi mavsumga qadar aktrisaga, uning hamkasbidan ko‘ra ikki karra kam mablag‘ to‘langan. Mehnatiga teng haq to‘lanishiga erishish uchun ayolga uch yil kerak bo‘lgan.

Lyusi Lyu, Dryu Berrimor, Kameron Dias “Charli farishtalari”

“Charli farishtalari” filmi prokatda 274,1 million mablag‘ to‘plab 2000-yilning eng kassabop kinolentalaridan biri bo‘lgan. Muxlislarga Dias, Berrimor va Lyuning triosi shunchalik yoqqani tufayli oradan 3 yil o‘tib kartinaning sikveli suratga olingan. Aktrisalarning ekranda ko‘rinish vaqti bir xil taqsimlanganiga qaramay, berilgan gonorar miqdori turlicha bo‘lgan. Kemeronga 12 million, Dryiga 9 million, Lyusiga esa hammadan kam 1 million kam berilgan.

Anjelina Joli va Bred Pitt “Janob va xonim Smit”

“Janob va xonim Smit” filmi Anjelina va Bred o‘rtasida munosabatlar avj olishining boshlang‘ich nuqtasi bo‘lgan. Berilgan gonorar miqdori o‘rtasidagi farq ularning o‘rtasida sevgi alangasi paydo bo‘lishiga to‘sqinlik qilmagan. Kartina ekran yuzini ko‘rganidan keyin Pitt 20 million dollarga ega bo‘lgan. Joli esa bo‘lajak turmush o‘rtog‘idan ikki karra kam mablag‘ bilan cheklangan.

Mia Vasikovska va Jonni Depp “Alisa mo‘jizalar mamlakatida”

Mia Vasikovska ishtirokidagi filmlar aksariyat hollarda kassabop bo‘ladi. U suratga tushgan loyihalar jami 1,03 milliard dollar mablag‘ to‘plagan. Shunga qaramay, unga unchalik katta bo‘lmagan miqdorda gonorar — o‘rtacha bir film uchun 250 ming dollar to‘lanadi. “Alisa mo‘jizalar mamlakatida” filmi ham istisno bo‘lmagan. Jonniga shlyapa kiygan qahramonni gavdalantirgani uchun 10 354 778 dollar to‘langan bir vaqtda, Miaga million dollarning to‘rtdan bir qismi berilgan

Sem Uortington, Zoi Saldana va Sigurni Uiver “Avatar”

“Avatar” prokatda rekord darajada 2,787 milliard dollar to‘plagan. Ammo shunga qaramay, unda suratga tushgan aktyorlar Sem Uortington va Zoi Saldanega uncha ko‘p bo‘lmagan gonorar to‘lagan. Ammo Greys Ogustinni gavdalantirgan Sigurni Uiverdan pul ayalmagan. Aktrisa ikkinchi darajali aktrisa sifatida ko‘rinish berganiga qaramay, 11 million dollarni qo‘lga kiritgan.

Genri Kavill va Emi Adamas “Po‘lat odam”

Genri Kavillaga “Po‘lat odam” filmi uchun taxminan 300 ming dollar gonorar to‘langan. Gap shundaki, odatda superqahramonlar haqidagi franshizalarda ilk bor arzigulik rolini ijro qilayotganlarga shuncha miqdorda pul beriladi. Uning hamkasbi Emi Adamsga shu loyihadagi ishtiroki uchun ko‘proq to‘langan. Bunga aktrisaning bir necha marta “Oskar”ga nomzod bo‘lib ulgurgani sabab bo‘lgandir, yana kim bilsin.

Maykl Kiton va Jek Nikolson “Betmen”

“Betmen” filmida Joker rolini o‘ynashi uchun Jek Nikolsanga, uning darajasi uchun sezilarli darajada kam summa — 6 million dollar taklif qilingan. U suratga tushishga bir shart — kassada yig‘ilgan mablag‘ning foizini olish evaziga rozi bo‘lgan. Natijada Nikolsan ushbu kartina ortidan 50 million dollardan ko‘proq daromadga ega bo‘lgan. Bosh qahramon rolini ijro qilgan Maykl Kitonning esa 5 million dollarga ko‘nishdan boshqa iloji qolmagan.

Jessika Chesteyn va Mett Deymon “Mars tutquni”

Oskarga 7 karra nomzod bo‘lgan “Mars tutquni” 2015-yilning eng muhokama qilingan filmlaridan bo‘lgan. Aktrisaga bu filmdagi ishtiroki uchun taxminan 1,75 million dollar to‘langan. Hamkasbi Mett esa mazkur loyihadagi roli uchun 15 million dollarga ega bo‘lgan.

Tom Holland va kichik Robert Dauni “O‘rgimchak-odam: uyga qaytish”

“O‘rgimchak-odam: uyga qaytish” kartinasi dunyo prokatida 880 million dollar to‘plagan. Shundan 15 millioni Robertga gonorar to‘lash uchun sarflangan. Qizig‘i, aktyor ekranda atigi 15 daqiqaga yaqin ko‘rinish bergan va hisoblab ko‘rilsa, har 1 daqiqa uchun 1 million dollarga ega bo‘lgan. Bosh qahramonni gavdalantirgan Tom Holland esa bazaviy gonorar sifatida 500 ming dollar olgan. Bonuslar bilan hisoblagandagi umumiy to‘langan mablag‘ esa 1,5 millionni tashkil qilgan.