Futbol bo‘yicha Yevropa Konferensiyalar Ligasining 3-turidan o‘rin olgan “Budyo Glimpt” va “Roma” o‘rtasidagi bahsda Joze Mourinyo jamoasi 1:6 hisobida mag‘lub bo‘ldi.
Joze Mourinyo faoliyatidagi 1008-o‘yinda yirik hisobda mag‘lubiyatga uchradi. Bungacha portugaliyalik mutaxassis ustozlik qilgan jamoalar 6 ta gol o‘tkazib yubormagan edi. Shu paytga qadar uning faoliyatidagi eng yirik hisob 2010-yilda qayd etilgandi: uning qo‘l ostidagi “Real” “Barselona”ga 0:5 hisobida mag‘lub bo‘lgandi.
Joze Mourinyo o‘yindan so‘ng o‘z fikrlarini bildirib o‘tdi:
Bu mening aybim. Aynan shunday tarkibda o‘ynashni xohladim. Ba’zi futbolchilarga o‘yin amaliyoti berishga qaror qilgandim. “Roma”dagi bir guruh futbolchilar va boshqa o‘yinchilar orasida darajadagi farq juda katta. Agar bir tarkibni mavsum davomida tushirish imkoni bo‘lganda, shunday qilardim. Futbolchilarga dam olishi uchun imkon ham yaratib berish kerak.Uchrashuvdan so‘ng “Roma” Konferensiyalar Ligasi C guruhida 6 ochko bilan ikkinchi o‘rinni egallab turibdi. “Budyo Glimpt”ga qarshi javob uchrashuvi 4-noyabr kuni bo‘lib o‘tadi.Faoliyatimda ilk bor 6 ta gol o‘tkazib yubordim? Ha, buni bilaman, lekin bu muammo emas. Yirik hisobdagi mag‘lubiyat nafaqat menga, balki futbolchilarga ham ta’sir ko‘rsatadi.
Kiyim almashtirish xonasida yigitlar bilan gaplashib oldim. Nima deganimni sir tutishga harakat qilaman, buni ommaga aytish shart emas.
“Budyo Glimpt” — bizdan ko‘ra yaxshiroq jamoa. Aynan bugun shunaqa ko‘rindi. Ular safida ilk daqiqalardan maydonga tushgan futbolchilar, bizda asosiy tarkibda tushgan o‘yinchilardan sifat borasida yuqori edi.
Joze Mourinyo, “Roma” jamoasi bosh murabbiyi
Joze Mourinyo shogirdlari A Seriyada ortda qolgan 8 turdan so‘ng 15 ochko bilan 4-o‘rinda bormoqda. 24-oktabr kuni rimliklar musobaqa yetakchisi “Napoli” bilan bahs olib boradi.
Izoh (0)