“Muhtasham yuz yil” serialida Sulton Sulaymon rolini ijro etgan Halit Ergench va uning rafiqasi aktrisa Berguzar Korel 2009-yilda turmush qurgan. Ular birgalikda ikki farzandi — 11 yoshli Ali va bir yarim yashar Xonni tarbiyalab kelmoqda. Yaqinda baxtiyor juftlik oilasiga yana bir mehmon tashrif buyurishi ma’lum qilindi.
2021-yil 10-oktabr kuni yulduzli juftlik barcha qarindoshlari va yaqin do‘stlarini “baby shower” ziyofatiga taklif qildi. Bayramda aktrisa Berguzar oq libosda paydo bo‘ldi. Ular uyining shaftoli rangda bezatilgan mehmonxonasida unutilmas lahzalarni kadrga muhrladi.
Ziyofat uchun yasatilgan katta stoldan hashamatli oq tort va mazali pirojnilar o‘rin olgan. Shuningdek, atrof rang-barang shar, gulchambar va bolalar o‘yinchoqlari bilan bezatilgan.
Korel ziyofatda yaqinlari va do‘stlari bilan suratga tushdi. Lekin Halitning rafiqasini quchoqlab tushgan surati eng romantik kadrlardan biri bo‘ldi.
“Xudoga ayon, men buni juda xohlagandim. Oilamiz bundan ham katta va baxtli bo‘lishini istayman. Ha, farzandimiz qiz bo‘ladi! Biz unga Leyla deb ism tanladik. Oilam, do‘stlarim, barchasi men uchun xursand. Biz qizimiz bo‘lishi haqidagi yangilikdan xabar topishimiz bilan quvonchimizni siz bilan baham ko‘rmoqchi bo‘ldik”, — deb yozadi aktrisa o‘z sahifasida.
Postga berilgan izohlarda muxlislar yulduz juftlikni bo‘lajak yangi mehmon bilan tabrikladi. Ular Korelga cheksiz salomatlik va muvaffaqiyatli tug‘ruqni tilab qoldi.
“Siz qanchalar go‘zal va nurlisiz, baxtdan yuzingiz porlamoqda”, “Qizim, bu juda yaxshi yangilik, sizlar chaqaloqni xohlagan edingiz”, “Tabriklayman, qanday baxt. Siz va bo‘lajak farishtangizda hammasi yaxshi bo‘lsin”, — deya folloverlar tomonidan tilaklar bildirilgan.
Eslatib o‘tamiz, Ergench va Korel “1001 kecha” serialining suratga olish maydonchasida uchrashgan. Halit sevgisi uchun turmush o‘rtog‘i bilan ajrashishga majbur bo‘ldi va Korel bilan baxtini topdi.
Izoh (0)