Instagram: Abdulaziz Karimdan kechirim so‘ragan Samandar, Munisa Rizayevaning Turkiyadagi sarguzashtlari, Gulsanam Mamazoitovadan yangi qo‘shiq

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Xonanda Shirin Farhod bilan ijodlari avj pallasiga chiqqan payti guruhdan ketishga qaror qilgani va bunga nima sabab bo‘lgani haqida so‘zlab berdi.

Teleboshlovchi Iroda Nosirovaga katta guldasta sovg‘a qilishdi.

Shahzoda Muhammedova qizi Milanani Oppog‘oy obrazida kiyintirdi.

O‘zbekiston xalq artisti Gulchehra Jamilova bolaligida aktrisa emas, boshqa kasb egasi bo‘lishni orzu qilgani haqida so‘zlab berdi.

“Yolg‘on ham haqiqatga xizmat qiladi. Soyalar Quyoshni o‘chira olmaydi”, — deb yozmoqda Lola.

Zarina Nizomiddinova Toshkentdagi hamkasb dugonalari bilan ko‘rishdi.

Jahongir Xo‘jayev avariyaga uchragan Mustang’i uchun Dubaydan buyurtma qilgan chiroqlari yetib keldi.

Durdona Qurbonova va Doniyor Qayumov yangi hajviy qisqa videoni sahifalariga joylashtirdi. Ushbu videoda Durdona Doniyorning boshiga tova bilan uradi.

Gulchehra Eshonqulova farzandlari bilan tushgan suratini sahifasiga joyladi.

Xonanda Munisa Rizayeva ayni paytda dugonasi bilan Turkiyada dam olmoqda. Unga turkiyalik oshpaz ko‘zi yumuq holatda ovqat tayyorlab berdi. Shuningdek, xonanda Nusretning “tilla go‘shti”dan ham yeb ko‘rdi.

Samandar Hamroqulov bir vaqtlar xonanda Abdulaziz Karimdan qattiq xafa bo‘lgani, keyinroq esa undan kechirim so‘ragani haqida so‘zlab berdi.

Turkiyalik xonanda Tarkan muxlislariga yangi oilaviy surati bilan ko‘rinish berdi.

Yosh xonanda Izzat Shukurov “Juma muborak” deb nomlangan qo‘shig‘ini taqdim etdi.

Aktyor va rejissor Sanjar Shodiyevning rafiqasi Muhabbat Mehmonova ayrim qizlar erini izlab uyigacha kelishi haqida so‘zlab berdi.

Bahora Arslonova qaynopasi hamda pochchasi bilan Samarqandni ziyorat qildi.

“Sharq” guruhi yakkaxonlari Sarvar va Tatyana qanday tanishganlari haqida so‘zlab berdi.

Gulsanam Mamazoitova Mustaqillik bayrami arafasida “Bobolarga munosib” deb nomlangan qo‘shiq kuyladi.