Toshkentda 9-avgust oqshomida Tokio—2020 sovrindorlari va ishtirokchilarini kutib olish marosimi bo‘lib o‘tdi. Aeroportdagi badiiy dastur va qutlovlardan keyin sportchilar Milliy Olimpiya qo‘mitasiga yo‘l oldi. U yerda Olimpiada sovrindorlariga qator sovg‘alar topshirildi.

Tokio Olimpiya o‘yinlari oltin medal egalariga Chevrolet Tahoe avtomobili va 4 sotixli 3 xonali hovli kalitlari topshirildi. Bronza medaliga ega chiqqanlarga esa Chevrolet Trailblazer va 2 xonali uy berildi.

Tokio—2020 Olimpiadasi oltin medali egasi Bahodir Jalolov

Foto: “Daryo” / Dilruh Isomiddinova

Tokio—2020 Olimpiadasi oltin medali sovrindori Ulug‘bek Rashidov

Foto: Telegram / “Xushnudbek.uz”

Tokio—2020 Olimpiadasi oltin medali sovrindori Akbar Jo‘rayev

Foto: Telegram / “Xushnudbek.uz”

Tokio—2020 Olimpiadasi bronza medali sovrindori Davlat Bobonov

Foto: Telegram / “Xushnudbek.uz”

Tokio—2020 Olimpiadasi bronza medali egasi Bekzod Abdurahmonov (chapdan uchinchi) bo‘lajak rafiqasi Nigora Tursunqulova va oilasi bilan

Foto: Telegram / “Xushnudbek.uz”

Qayd etish kerak, Olimpiadadan avval oltin medal egalariga 200 ming AQSh dollari, bronzaga ega chiqqanlarga esa 50 ming dollar pul mukofoti berilishi ma’lum qilingandi.

Ma’lumot uchun, Chevrolet Trailblazer avtomobilining narxi 304—398 million so‘m bo‘lsa, Tahoe 595—795 million so‘m turadi.

Tokio Olimpiadasida Ulug‘bek Rashidov (taekvondo), Akbar Jo‘rayev (og‘ir atletika) va Bahodir Jalolov (boks) oltin, Davlat Bobonov (dzyudo) hamda Bekzod Abdurahmonov (erkin kurash) bronza medaliga ega chiqdi.