Bugun,

  • USD 11014.01
  • RUB 191.8
  • EUR 10674.78

AQSh hukumati koronavirusga qarshi to‘liq emlangan xorijlik fuqarolargagina mamlakatga kirish uchun ruxsat berishni rejalashtirmoqda. Bu haqda Reuters, The New York Times, CNN va boshqa ommaviy axborot vositalari prezident Jo Bayden ma’muriyatidagi manbaga asoslanib xabar berdi.

Foto: BitNovosti

Foto: BitNovosti

Yangi qoidalarda AQShga kirish uchun COVID-19’ga qarshi emlanishi shart bo‘lmagan kishilar toifalarining ro‘yxati keltiriladi. Bu istisnolar nimadan iboratligi hozircha noma’lum, ammo ular ko‘p emasligi ta’kidlanmoqda.

Yangi qoidalar epidemiologik vaziyat yaxshilanganidan keyin kuchga kiradi. Ularni qachon joriy etish rejalashtirilgani noma’lum. Iyul oyi oxirida Oq uy delta shtammning dunyo bo‘ylab tarqalishi tufayli AQShga kirishdagi mavjud cheklovlar hozircha saqlanib qolishini aytgandi.

Hozir mamlakatga kelgan chet el fuqarolari ham, AQSh fuqarolari ham koronavirus testining salbiy natijasiga yoki COVID-19’ga qarshi emlanganlik sertifikatiga ega bo‘lishi lozim. AQShga quruqlik chegaralari orqali kirishga faqat “zarur safar” uchun ruxsat beriladi.

Qo‘shma Shtatlar so‘nggi ikki hafta ichida Xitoy, Eron, Hindiston, Braziliya, Janubiy Afrika, shuningdek Buyuk Britaniya, Irlandiya va Shengen hududida bo‘lgan chet elliklarning mamlakatga kirishini taqiqladi.

Shuningdek, Markaziy Osiyo davlatlari, jumladan O‘zbekiston AQSh fuqarolarining tashrif buyurishi tavsiya etilmagan mamlakatlar ro‘yxatiga kiritilgandi.

Avvalroq AQShda dori-darmonlarga chidamli va o‘limga olib keluvchi zamburug‘ infeksiyasi avj olgani haqida xabar berilgandi.

Izoh
Asosiy yangiliklar
Mahalliy
O‘zbekistonda dam olish kunlari qanday ob-havo bo‘ladi?
Dunyo
“Rossiyani fojiadan, rus armiyasini bo‘lsa xo‘rlikdan qutqarish imkoningiz haliyam bor”. Ukraina Mudofaa vaziri rus harbiylarini zudlik bilan jangdan bosh tortishg...
Mahalliy
“Xodimlar o‘zboshimchalik bilan qoidalarni buzgan” — Qashqadaryoda elektromontyor tok urishidan vafot etgani yuzasidan rasmiy ma’lumot berildi