Bugun,

  • USD 10940.05
  • RUB 182.26
  • EUR 11121.65

Farg‘ona viloyati Toshloq tumanida Matiz 13 yoshli qizni urib ketdi. Bu haqda “Yangi davr” informatsion dasturida xabar qilindi.

Farg‘ona viloyati IIB YHXB kelib tushgan xabarga ko‘ra, Toshloq tumani Qashqar qishlog‘i hududidan o‘tgan 4K-842 Zarkent–Qal’acha avtomobil yo‘lining 1-kilometrida Matiz hamda Nexia o‘rtasida to‘qnashuv sodir bo‘lgan.

Dastlabki ma’lumotlarga ko‘ra, Matiz avtomobili haydovchisi o‘ziga nisbatan bitta yo‘nalishda harakat qilib kelayotgan Nexia avtomobilini quvib o‘tish qoidasini buzib, yo‘l chetidagi piyoda – 13 yoshli qizni urib ketgan va Nexia bilan to‘qnashgan.

Piyoda tan jarohati olib, shifoxonaga olib borilgan. Ko‘rsatilgan tibbiy muolajalarga qaramasdan qiz shifoxonada vafot etgan.

Hozirda tezkor tergov guruhi hamda mutasaddi xodimlari bilan birgalikda voqea tafsilotlari o‘rganilmoqda.

Bundan avval Namanganda Nexia yo‘l chetidagi pastlikka qulashi oqibatida yo‘lovchi ayol vafot etgani, Surxondaryoda yo‘lning qarama-qarshi tarafiga chiqib ketgan “Jiguli” uch avtomobil bilan to‘qnashishi oqibatida bir kishi halok bo‘lgani hamda Qashqadaryoda katta tezlikda yo‘l yoqasidagi do‘konga borib urilgan Nexia haydovchisi halok bo‘lgani haqida xabar berilgandi.

Izoh
Asosiy yangiliklar
Mahalliy
Navoiydagi ko‘p qavatli uylarda lift muammosi: aholi lift ishlamayapti desa, mas’ullar uning to‘xtatilishiga lift ichidagi o‘g‘rilik, fohishabozlik sabab demoqda
Mahalliy
“Daryo” kundaligida 26-sentabrda sodir bo‘lgan eng muhim voqealar
Mahalliy
“Toshkent hokimligi barcha OAV vakillari bilan ishlashga tayyor va hozirjavob bo‘ladi”. Zoir Mirzayevning matbuot kotibi jurnalistlar bilan muloqot qildi