Xalkni sog‘inganlar bormi? Braziliyalik futbolchi 2021-yil yanvar oyida “Atletiko Mineyro” safiga borib qo‘shildi va darhol jamoa yetakchilaridan biriga aylandi: barcha musobaqalarda 24 ta o‘yinda maydonga tushib, 11 ta gol va 4 ta golli uzatmani o‘z hisobiga yozdirib qo‘ydi. Biroq bu safihada Xalk haqida emas, u qatnashgan o‘yinni boshqarib borgan hakam haqida hikoya qilinadi.

Tanishing, Anderson Daronko.

Foto: Getty Images

“Mineyro” va “San-Paulu” o‘rtasidagi o‘yinning eng qiziqarli lavhasi futbolchining raqib jarima maydonida yiqilganidan so‘ng hakam bilan bo‘lib o‘tgan suhbati bo‘ldi. Xalk “Atletiko M” va “Inter”ning sobiq himoyachisi Miranda bilan to‘qnashib ketdi va yerga yiqildi.

Foto: Getty Images

Xalk penaltini kutib o‘tirmadi va hakam bilan tortishgani bordi. Lekin hakamga gap uqtirib bo‘lmadi. Hakam futbolchining yelkasidan qoqib qo‘ydi va undan tinchlanishini so‘radi. Hatto gavdali Xalk ham hakam bilan solishtirganda u qadar haybatli emasdi.

Foto: Getty Images

Ijtimoiy tarmoqlarda ularning qarama qarshiligini Xalkning Tanos yoki Jagernaut bilan jangiga qiyoslashdi. Yirik va mushakdor qahramonlari borligi uchun Marvelga rahmat aytsa arziydi.

Daronko yoshligida gandbol bilan shug‘ullangan, lekin keyinchalik bu sport turini tashlagan. Undan so‘ng jismoniy tarbiya o‘qituvchisi bo‘lib ishladi, ammo futbol hakami bo‘lishni orzu qilardi. Andersonning o‘zi mushaklari unga hakamligiga xalaqit bermasligi haqida aytib o‘tgan:

“Mushaklarimga qarab baho berishlarini xohlamayman. Menga nisbatan hurmat maydonda chiqaradigan to‘g‘ri qarorlarim, futbolchilar bilan munosabatim tufayli bo‘ladi”.

Foto: Twitter

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!