Toshkentning Yunusobod tumanida 17 yoshli yigit Nexia-2 urib yuborishi oqibatida vafot etdi. Bu haqda poytaxt IIBB matbuot xizmati xabar berdi.
26-iyul kuni taxminan soat 18:30 da Yangi Yunusobod ko‘chasida S.X. Nexia-2 boshqarish davomida yo‘lni belgilanmagan joydan kesib o‘tayotgan piyodani urib yuborgan.
YTH oqibatida 2004-yilda tug‘ilgan piyoda A.T. badan shikastlari bilan shifoxonaga yetkazilgan, ammo tibbiyot xodimlarining sa’y-harakatlariga qaramasdan, vafot etgan.
Xabarda aytilishicha, holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish odam o‘limiga sabab bo‘lishi) bo‘yicha jinoyat ishi qo‘zg‘atildi. Tergov olib borilmoqda.
Avvalroq Toshkentning Yashnobod tumanida Matiz urib yuborishi oqibatida 65 yoshli fuqaro, Mirobod tumanida 20 yoshli ayol boshqaruvidagi Tracker urib ketishi oqibatida 56 yoshli piyoda voqea joyida vafot etgandi. Mavzuga doir:
