Internet foydalanuvchilari o‘rtasida tabiiy bo‘lmagan binafsha rangiga bo‘yalgan o‘rmon surati keng muhokamalarga sabab bo‘ldi, deb xabar beradi Hi-Tech.Mail.ru.
Foto: Reddit
O‘rmonning mazkur qismi markaziy Kaliforniyada joylashgan. Google Maps’dagi kadr Reddit tarmog‘ining Conscious_Que ismli foydalanuvchisi tomonidan e’lon qilingan.
Post ostidagi izohlarda ayrimlar binafsha-yashil dog‘ paranormal faollik natijasida yuzaga kelganini taxmin qilgan. “110 foizga ishonchim komil — bu arvohlar bor o‘rmon”, — deya hazillashadi foydalanuvchilardan biri. Boshqa bir foydalanuvchi esa o‘rmon qo‘rqinchli ko‘rinishda ekanligi to‘g‘risidagi fikrga qo‘shilib, bunday joyda sayr qilmaslik kerakligini ta’kidlagan.
Qolgan foydalanuvchilar yorqin rangga bo‘yalgan hudud ayrim Reddit foydalanuvchilari tasavvur qilganichalik emasligini qayd etgan: “Aftidan, kamera datchigi suratga olish vaqtida ‘o‘lib qolgan’ va natijada biz arvohlari bor o‘rmonga ega bo‘ldik”.
Google Street View avtomobillariga o‘rnatilgan 360 darajali yuqori texnologik kameralarida texnik nosozliklar ba’zida kuzatilib turadi. Foydalanuvchilar ijtimoiy tarmoqlar orqali ular bilan bo‘lishib, o‘z fikrlarini bildirib kelmoqda.
Eslatib o‘tamiz, 2017-yilda britaniyalik qiz Google panoramalaridan marhum onasining fotosini topib olgandi.
