“O‘zgidromet” O‘zbekistonda hafta davomida kutilayotgan ob-havo ma’lumotlarini e’lon qildi.
Foto: “Daryo” / Madina Nurman
Ma’lum qilinishicha, 20-iyul kuni O‘zbekiston hududining katta qismida yog‘ingarchilik kutilmaydi, faqat Farg‘ona vodiysi viloyatlarida va tog‘li hududlarda, ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Havo harorati kunduz kunlari 34-39 darajani, shimolda va cho‘l hududlarda 41-42 darajagachani tashkil etadi.
21-iyuldan 23-iyulgacha faqat respublikaning tog‘li hududlarida qisqa muddatli yomg‘ir yog‘ishi ehtimoli bor, tekislik hududlarda yog‘ingarchilik kutilmaydi.
Harorat asta-sekin ko‘tariladi va 23-iyulga kelib harorat kunduz kunlari 39-42 darajagacha ko‘tariladi, shimolda, janubda va cho‘l hududlarda +44 daraja bo‘ladi.
Eslatib o‘tamiz, O‘zbekistonda 6—8-iyul kunlari Eron hududlaridan issiq havo massalarining kirib kelishi tufayli jazirama issiq kuchaydi. “O‘zgidromet” ma’lumotlariga ko‘ra, ushbu kunlarda havo harorati iqlimiy me’yorlardan 5-8 darajaga yuqori bo‘lgan.
