Joriy yilning iyun oyida Eriell Group tomonidan Jizzakh Petroleum MChJ QKning Farg‘ona viloyatidagi obyektlarida ilk bor qatlamni gidravlik usulda yorish (QGUYo) amalga oshirildi. “Variq” konida neft qatlamining joylashuvi 3600 dan 3800 metrgacha bo‘lgan, ikkita proppant yordamida QGUYo amalga oshirildi.
Shu tariqa “Variq” konida QGUYo o‘tkazilgandan so‘ng, 34-sonli quduq debiti sutkasiga 0,7 metr kubdan 30,6 metr kubga, 38-sonli quduqniki esa sutkasiga 0,5 metr kubdan 24,6 metr kubgacha oshdi.
Qatlamni gidravlik usulda yorish (QGUYo) — neft qazib olishni jadallashtirish usuli bo‘lib, usiz zamonaviy neft tarmog‘ini tasavvur qilish qiyin. Uning rivojlanishi AQShda slanes inqilobiga yo‘l ochib berdi, boshqa mamlakatlarda esa QGUYo tufayli yaqindagina norentabel hisoblangan kon va zaxiralarni ishlash imkoni tug‘ildi.
Eriell xalqaro neft-servis kompaniyalar guruhi yangi texnologiyalarni qo‘llash, jumladan, oqimni intensifikatsiya qilish va quduqlarni tugatish sohasida yetakchi hisoblanadi. O‘zbekiston obyektlarida QGUYo texnologiyasining joriy etilishi 2018-yilda boshlangan. Hozirgi vaqtgacha Eriell Group tomonidan Jereh (XXR) va ACT (Germaniya) kompaniyalari tomonidan ishlab chiqarilgan, eng so‘nggi rusumdagi texnologik uskunalar yordamida qatlamni kislota va proppant yordamida, gidravlik usulida yorish bo‘yicha 100 dan ortiq operatsiyalar amalga oshirilgan. Xorijiy mutaxassislarni jalb qilgan holda ilg‘or texnologiyalar va dunyo tajribasini qo‘llash, bunday turdagi operatsiyalarni amalga oshirishda yuksak natijalarga erishish va kompaniya aktivlarini o‘zlashtirish samaradorligini oshirish imkonini berdi.
Eriell kompaniyalar guruhi va Jizzakh Petroleum
MChJ QK uzoq muddatli taraqqiyotni samarali qazib olish texnologiyalarini izlashga chambarchas bog‘lamoqda. Neft olish koeffitsiyentini oshirish va avval o‘zlashtirish norentabel bo‘lgan zaxiralarni ishlashga jalb qilish, kompaniya texnologik strategiyasining muhim tarkibiy qismlari hisoblanadi. Mazkur strategiyani amalga oshirish bugunning o‘zidayoq kelgusida boshqa loyihalarni amalga oshirishda qo‘llanilishi mumkin bo‘lgan, neft chiqarib olishni oshirishning ilg‘or usullaridan foydalanish imkonini bermoqda.
Ma’lumot uchun
Qatlamni gidravlik usulda yorish (QGUYo) —neft qazib olishni intensifikasiya qilish usuli. Bunda yuqori bosim ostida qatlamga suyuqlik aralashmasi va maxsus payvandlash agenti (proppant) yuboriladi. Aralashmani yuborish jarayonida quduq ustuni va qatlamni bog‘lovchi o‘tkazuvchanligi yuqori bo‘lgan kanallar (QGUYo yoriqlari) shakllanadi. Bu yoriqlar orqali boshqacha yo‘l bilan quduqqa tusha olmasligi mumkin bo‘lgan neft oqimi ta’minlanadi. Ko‘p bosqichli QGUYo’da (QBQGUYo) gorizontal quduqning bir ustunida bir nechta gidravlik yorish operatsiyalari amalga oshiriladi. Shu tariqa, qatlamni bitta quduq bilan qamrab olish hududining bir necha barobar ortishi ta’minlanadi.
Proppant — quduqda QGUYo o‘tkazilgandan so‘ng yoriqni ochiq holatda ushlash uchun zarur bo‘lgan sun’iy payvandlash agenti.
Eriell Group matbuot xizmati
Izoh (0)