Namangan viloyat bojxona boshqarmasi xodimlari Davlat xavfsizlik xizmati xodimlari bilan hamkorlikda Namangan shahrida tezkor tadbir o‘tkazdi. Bu haqda “Daryo” muxbiri Azizbek Abduvaliyev xabar bermoqda.
Tezkor tadbir davomida fuqaro M.A.ning buyumlari ko‘zdan kechirildi. Ko‘zdan kechirish davomida unga tegishli buyumlar orasidan sellofan paketga joylangan, muqaddam qo‘shni mamlakatdan noqonuniy olib kirilgan, og‘irligi 606 gramm bo‘lgan tilla va uning kukuni borligi aniqlandi.
Umumiy qiymati 400 million so‘mlik tilla va uning kukunlari ashyoviy dalil sifatida vaqtincha saqlovga olindi.
Hozirda ushbu holat yuzasidan bojxona organlari tomonidan surishtiruv harakatlari olib borilmoqda.
Izoh (0)