Paxtakor tumanida fermer xo‘jaligining kredit mablag‘ini o‘zlashtirgan MChJ rahbari va boshqalarga nisbatan jinoyat ishi qo‘zg‘atildi. Bu haqda Bosh prokuratura huzuridagi departamenti xabar qildi.
Qayd etilishicha, departamentning Paxtakor tuman bo‘limi tomonidan fermer xo‘jaliklarining huquqlarini himoya qilish yuzasidan o‘tkazilgan tergovga qadar tekshiruvda, “A.” MChJ rahbari va boshqalar “G‘.” fermer xo‘jaligiga ajratilgan 400 million so‘m kredit evaziga olib kelingan tomchilatib sug‘orish texnologiyasini hozirgi kunga qadar xo‘jalik yerlariga o‘rnatmasdan 122,6 million so‘m kredit mablag‘ini talon-toroj qilganliklari aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- “O‘zbekiston temir yo‘llari” metro qurilishida 899 mln so‘m talon-toroj qilinishida kompaniyaning aloqasi yo‘qligini ma’lum qildi
- Andijonda tekshiruvlar uchun o‘qituvchilardan 100 dollardan yig‘gan maktab direktori ishdan olinadigan bo‘ldi
- O‘zbekistondagi ikkita OTM buxgalterlari 22,5 mlrd so‘mni o‘zlashtirilgani aniqlandi
Izoh (0)