Jeep va Ferrari’dan yig‘ilgan yo‘ltanlamas sotuvga qo‘yildi (foto)

Ferrari kompaniyasi o‘zining birinchi Purosangue krossoveri ustida ish olib borayotgan bir vaqtda Classic Driver saytida uning “uzoq qarindoshi” sotuvga qo‘yildi. E’londa avtomobil Jeep Grand Wagoneer deyilgan bo‘lsa-da, uning yarmi Ferrari hisoblanadi. Chunki noodatiy mashinaning old qism kuzovi Ferrari 365 GT 2+2’ga tegishli, dvigateli ham V12, deb xabar beradi Motor.

Jerrari nomini olgan avtomobil Harrah’s Hotel & Casinos egasi hisoblanuvchi kolleksioner Uilyam Xarra sabab paydo bo‘lgan. Noodatiy avtomobilning donoriga Xarraning o‘ziga tegishli 1969-yilda ishlab chiqarilgan Jeep Wagoneer va YTHda shikast yetgan Ferrari 365 GT 2+2 aylangan. Sotuvchining so‘zlariga ko‘ra, biznesmenning mexanigi qorli yo‘lda Ferrari’ni haydayotib, boshqaruvni yo‘qotgan va avariyaga uchragan — shundan so‘ng Xarra to‘liq uzatmali Ferrari’ga ega bo‘lishni xohlab qolgan. Buning uchun u hatto to‘g‘ridan to‘g‘ri Ensoga murojaat qilgan, biroq rad javobini olgan.

Biroq avtomobil baribir yaratilgan, kolleksionerning o‘z kuchlari bilan bo‘lsa-da. Xarraning mexaniklari jamoasi Ferrari 365 GT 2+2 ning old qismini Wagoneer kuzoviga kiygizgan va hatto 320 ot kuchini taqdim etuvchi 4,4 litrli V12 dvigatelini Jeep’ning uch pog‘onali transmissiyasiga ulashga muvaffaq bo‘lgan (boshqa bir versiyaga ko‘ra, Jerrari’ga Italiya sportkarining besh pog‘onali “mexanik” uzatmalar qutisi o‘rnatilgan). Yo‘ltanlamas narxi avvaliga oq rangda bo‘lgan, keyinroq u Xarraning sevimli rangi — yashil Racing Green’ga bo‘yalgan.

“Yashil maxluq” nomini olgan avtomobil bir necha bor jurnal va kitoblarda tilga olingan, keyinroq esa o‘rinini Jerrari 2’ga bo‘shatib bergan.

Bu safargi Wagoneer’ning tashqi ko‘rinishi 1977-yilgi nusxa bo‘lib, unga teginilmagan: yo‘ltanlamasga 12 silindrli dvigatel sig‘ishi uchun kapoti uzaytirilgan. Birinchi mashinaga 5,7 litrli Chevrolet V8 agregati qaytarilgan, 1978-yilda Xarraning o‘limidan so‘ng, barcha kolleksiya sotib yuborilgan. 2008-yildan birinchi Jerrari Germaniyaga olib kelingan va hamon u yerda saqlanmoqda. Mashina hozirga qadar 11 ming kilometrdan ortiq yo‘l bosgan. Sotuvchi avtomobil narxini faqat so‘rov bo‘yicha e’lon qilishga tayyor.