Sayyohlar oqimi tufayli aholisining tinchi va ekologiyasi buzilayotgan 5 mamlakat

Turizm dahshatli kuchdir. U shunday kuchdirki, mamlakat mavqeyini yaxshilashga, shuningdek, uning ekologiyasini yo‘q qilishga qodir. So‘nggi o‘n yil ichida juda ko‘p filmlar suratga olindi. Endi “Sumerki” va “Taxtlar o‘yini” filmidagi joylar kabi “Joker”dagi zinalar ham sayyohlar ro‘yxatiga qo‘shildi. Quyida sayyohlar tomonidan xavf ostida bo‘lgan mashhur joylar haqida ma’lumot beramiz.

Islandiya

So‘nggi o‘n yillikda Islandiyadek mashhur joyni topish qiyin edi. Biroq turizmning atrof-muhitga va mahalliy aholining hayot sifatiga salbiy ta’siridan jiddiy xavotirlar yuzaga kela boshladi.

Bu holat aholisi atigi 360 ming kishilik mamlakatda jiddiy iqtisodiy muammolarga sabab bo‘lishi mumkin. Bundan tashqari, Moviy ko‘rfaz kabi ba’zi diqqatga sazovor joylar haddan tashqari ifloslangan hisoblanadi.

Maldiv orollari

Hozirgi kunda Maldiv orollari tropik hashamat ramziga aylangan. Bu yerdagi ko‘plab uylar mahalliy aholi bilan emas, balki sayyohlar bilan to‘lgan. Buning oqibati atrof-muhitning ifloslanishida namoyon bo‘lmoqda. Bundan tashqari, iqlim o‘zgarishi va dengiz sathining ko‘tarilishi bilan bog‘liq muammolar ham mavjud. Ba’zi manbalarga ko‘ra, mamlakatdagi ko‘plab orollar shu asr oxirigacha suv ostida qolishi mumkin.

Amsterdam, Gollandiya

Avvaliga “Men Amsterdamman” installyatsiyasi shunchaki ramziy yozuv edi, ammo shov-shuvlarga sabab bo‘lgani tufayli olib tashlandi. Bu shaharda sal bo‘lsa-da, sayyohlar oqimini kamaytirish uchun qilingan. Bundan tashqari, 2020-yildan boshlab Amsterdamning mashhur qizil chiroqli mavzesi bo‘ylab sayr qilish ham taqiqlangan.

Bronks, Nyu-York, AQSh

“Joker” filmida mahalliy mavze zinalari tasvirga olingandan keyin ko‘plab sayyohlar Bronks tinchligini buza boshladi. Har bir sayyoh shu zinada suratga tushish uchun to‘xtaydi. Ular yaqin atrofdagi uylar aholisi har kuni ushbu zinapoyadan foydalanishlarini xayollariga ham keltirmaydi.

Petra, Iordaniya

“Indiana Jons va so‘nggi salib yurishlari” filmining avj nuqtasi Iordaniyaning Petra shahrida suratga olingan. Xazina izlovchilarning barcha tasavvurlarini uyg‘otishga qodir manzara. Bu joy haqiqatan ham sayyohlar oqimi tinmaydigan maskanlardan biri hisoblanadi.