18:54, 09.05.2021 19610

Delfin, smaylik va bumerang: Antiqa shaklga ega ekani bilan o‘ziga xos bo‘lgan orollar (foto)

Ajoyib ko‘rinishga ega bo‘lgan orollar suratiga nazar tashlab, tabiatdan-da yaxshiroq rassom yo‘qligiga amin bo‘lish mumkin.

Baliq shaklidagi orol

Foto: Travel Ask

Xorvatiyaga dam olish uchun borgan sayyohlar Brioni orollarining yuqoridan ko‘rinishidan zavqlanishi aniq. 10 ta orolni o‘z ichiga oladigan asosiy kompleksda olimlar ikki yuzga yaqin dinozavrlar izini topishga muvaffaq bo‘lgan. Undagi orollardan birining ko‘rinishi esa baliq shaklini esga soladi.

Smaylik

Foto: Travel Ask

Manukan, Mamutik va Sulug orollarining yuqoridan ko‘rinishi smaylikka o‘xshaydi. Mazkur orollar suv ostida suzish imkoniyati mavjudligi bilan ham mashhur. Mazkur orollar Malayziyaning Kota-Kinabalu shahri yaqinida joylashgan.

Delfin

Foto: Travel Ask

Italiyadagi Li Galli orolining yuqoridan ko‘rinishi delfinni esga soladi. Qadimgi yunon afsonalarida bu orolda suv parilari yashagani aytilgan va aynan shu sabab ham orol Sirenusas (yunon mifologiyasida suv parisi) oroli deb ham ataladi.

Toshbaqa-orol

Foto: Travel Ask

Mazkur orol nafaqat shaklining orolga o‘xshashi, balki haligacha vulqonlar otilishi bilan yaxshi ma’lum. Ilan okrugidagi eng katta mazkur orolga sayohatchilar tabiatning haqiqiy mo‘jizasini ko‘rish uchun ham tashrif buyuradi.

Vertolyot shaklidagi orol

Foto: Travel Ask

Filippindagi mazkur orol shaklining vertolyotga o‘xshashi bilan sayyohlarni o‘ziga jalb etadi. Tropik o‘rmonlar bilan qoplangan mazkur orolning ko‘rinishi sohil va sohillarning rangi oq ekani va moviy rangli suv bilan umumlashib, yanada o‘ziga xos ko‘rinadi.

Bumerang-orol

Foto: Travel Ask

Filippin, Malayziya va Vyetnamning janubiy qismi o‘rtasida joylashgan Spratli orollaridan biri shaklining bumerangga o‘xshashi bilan boshqalaridan ajralib turadi. Gaz va neft konlari bor bo‘lgan mazkur orollar kompleksi qaysi mamlakatga qarashli ekani hali hamon aniq emas.