Bugun,

  • USD 11095.31
  • RUB 173.84
  • EUR 10772.44

O‘zbekiston delegatsiyasining 26-may kuni Ashxobod shahriga tashrifi doirasida O‘zbekiston va Turkmaniston hukumati o‘rtasida suv xo‘jaligi masalalari bo‘yicha o‘zbek—turkman hukumatlararo qo‘shma komissiyasi to‘g‘risida bitim imzolandi, deb xabar bermoqda TIV matbuot xizmati.

Foto: TIV matbuot xizmati

Foto: TIV matbuot xizmati

Shuningdek, ikki mamlakat hukumati o‘rtasida Yerdan haq to‘lash evaziga foydalanish to‘g‘risidagi bitimga qo‘shimcha bitim imzolandi.

O‘zbekiston tomonidan hujjatlarni tashqi ishlar vaziri Abdulaziz Komilov, Turkmaniston tomonidan esa Vazirlar Mahkamasi raisining o‘rinbosari, tashqi ishlar vaziri Rashid Meredov imzolagan.

Tomonlar mazkur hujjatlarning imzolanishi transchegaraviy suv resurslaridan oqilona va adolatli asosda, do‘stlik ruhida va yaxshi qo‘shnichilik ruhida birgalikda foydalanish masalalarida o‘sishga xizmat qilishini ta’kidlagan.

“Gazeta.uz”ning eslatib o‘tishicha, 2019-yilda bo‘lib o‘tgan Markaziy Osiyo davlatlari rahbarlarining ikkinchi maslahat uchrashuvida suv resurslari muammosiga alohida e’tibor qaratilgan. Shavkat Mirziyoyev suvdan foydalanish borasidagi muammolarni hal etishga doir o‘zaro kelishilgan yondashuvlarni ishlab chiqishni taklif etdi. Turkmaniston rahbari Gurbanguli Berdimuhamedov mintaqa davlatlari suv resurslaridan teng va adolatli foydalanishni ta’minlash uchun kuchlarni birlashtirishi kerakligini ta’kidlagan.

Yevropa Ittifoqining Markaziy Osiyo bo‘yicha maxsus vakili Piter Burian mintaqadagi ziddiyatli vaziyatlarni hal qilish uchun mamlakatlar nafaqat suvdan tejamkorroq foydalanishlari, balki tog‘ daryolarining yuqori va quyi oqimlari mamlakatlari manfaatlarini hisobga olgan holda suv resurslarini adolatli taqsimlashni kelishib olishlari kerakligini ta’kidlagan.

Izoh
Asosiy yangiliklar
Dunyo
“Turkiya yangi dunyo tartibining markazida bo‘lishi kerak” — Erdo‘g‘on
Mahalliy
Andijonda 41 kishi jarohatlangan avtohalokat qurbonlari soni 4 nafarga yetdi
Mahalliy
O‘zbekistonda qaysi hududlarda narxlar ko‘proq o‘sgani ma’lum qilindi