O‘zbekistondagi tijorat banklarida dollar kursi 10 630 so‘mga qadar ko‘tarildi

O‘zbekistondagi bir nechta tijorat banklari 19-may kuni dollar valyutasining so‘mga nisbatan kursini ko‘tardi, deb xabar bermoqda Spot.

Quyida dollarning yangi qiymatini e’lon qilgan ayrim banklar keltirilgan:

• “Agrobank” sotib olish — 10 537, sotish — 10 620;
• Asia Alliance Bank: sotib olish ­­— 10 540, sotish — 10 620;
• NBU: sotib olish — 10 540, sotish – 10 610;
• Oriyent Finans Bank: sotib olish — 10 525, sotish — 10 630;
• “Savdogar bank”: sotib olish — 10 530, sotish — 10 630.

Aksariyat banklar 1 AQSh dollarini 10 540 so‘mga sotib olishni, 10 620 so‘mga sotishni taklif qilmoqda. Bu kabi vaziyat birinchi bor qayd etilyapti.

Markaziy bank fevral oyi o‘rtalaridan boshlab dollar kursini avvalgidek har hafta emas, har ish kuni e’lon qilib bormoqda. 18-may kuni e’lon qilingan ma’lumotga ko‘ra, ayni paytda dollarning qiymati 10 577 so‘mni tashkil qilmoqda.