Samarqand viloyatida 4-may kuni kuzatilgan yog‘ingarchiliklar oqibatida bir qator shahar va tumanlarda aholiga noqulaylik tug‘diruvchi holatlar yuzaga kelgan. Ijtimoiy tarmoqlarda kuchli yog‘ingarchilik sabab suv bosgan ko‘chalarning videolari tarqalmoqda.
Videolarning birida odamlar xonadonlariga toshib kirgan suvni supurgi yordamida ko‘chaga supurib chiqarayotganini ko‘rish mumkin. “Qoradaryo, Qora dengiz”, — deydi video muallifi.
Shuningdek, yana bir videoda kuchli shamol va sel toshqinlari avtomobillar harakatlanishiga to‘sqinlik qilayotganini tasvirlangan.
Eslatib o‘tamiz, Samarqandda joriy yil 27—28 mart kunlari kuzatilgan kuchli yog‘ingarchilik oqibatida suv toshqinlari yuz berib, o‘nlab xonadon suv ostida qolgandi.
Mavzuga doir:
Izoh (0)