Bugun,

  • USD 11014.01
  • RUB 191.8
  • EUR 10674.78

Samarqand viloyatida 27—28-mart kunlari kuzatilgan yog‘ingarchiliklar oqibatida hududning bir qator shahar va tumanlarida aholiga noqulaylik tug‘diruvchi holatlar yuzaga kelgan. Jumladan, viloyatda yuz bergan toshqin va sellar hamda ularning oqibatlari aks etgan foto va videolar ijtimoiy tarmoqlarda e’lon qilingan.

Foto: Telegram / @Samarqand_Samarkand

Foto: Telegram / @Samarqand_Samarkand

Favqulodda vaziyatlar vazirligidan ma’lum qilishlaricha, 27-mart kuni Samarqand viloyatining Oqdaryo tumanida kuchli jala quyishi natijasida tuman markaziy ko‘chalarida suv to‘planish hodisasi vujudga kelgan.

Viloyat FVB vakillarining qayd etishicha, bunday toshqinlar ichki ariqlarning chiqindiga to‘lib ketgani yoki ko‘mib tashlangani, suv yo‘lida fuqarolar tomonidan har xil to‘siqlar hosil qilingani oqibatida kelib chiqqan.

Foto: Telegram / @Samarqand_Samarkand

Foto: Telegram / @Samarqand_Samarkand

Foto: Telegram / @Samarqand_Samarkand

Foto: Telegram / @Samarqand_Samarkand

Foto: Telegram / @Samarqand_Samarkand

Foto: Telegram / @Samarqand_Samarkand

“Daryo” mushtariylarining xabar berishicha, 27-martdagi yog‘ingarchilik vaqtida Samarqand shahridagi yangi qurilib, foydalanishga topshirilgan Family Park majmuasining tomidan chakka o‘tib ketgan. Qayd etishlaricha, bino mutasaddilari vaziyatni tomga sellofan o‘rnatish bilan bartaraf etishga uringan.

Samarqand viloyatida yog‘ingarchiliklar 28-mart kuni ham davom etmoqda. Payariq tumani “G‘allakor” mahallasida istiqomat qiluvchi “Daryo” mushtariyi taqdim etgan videoxabarga ko‘ra, “tinimsiz yog‘gan yomg‘ir oqibatida” hududda sel kuzatilgan. “Narigi sohilga o‘tish imkoni yo‘q, ko‘priklar buzilib ketdi”, — deydi video ortidagi ovoz sohibi.

Sel vaqtida qanday harakat qilish kerak? FVV tavsiyalari:

sel xavfi bo‘lgan hududlarda yashovchi har bir kishi uning uyi, xo‘jaligini sel kelish hududida joylashganligi haqidagi ma’lumotga ega bo‘lishi kerak va “O‘zgidromet”, FVV/FVB, hokimliklar vakillari tomonidan berilgan ko‘rsatmalardagi sel va suv toshqinidan himoya qilish yo‘l-yo‘riqlariga, albatta, amal qilishi lozim;

sel oqimining o‘tishi va uning oqibatlari katta moddiy zarar keltirib, odamlar hayot va sog‘lig‘iga xavf tug‘dirishi mumkin (sel oqibatida odamlarning qurbon bo‘lganligi bir necha marta qayd qilingan);

sel oqimlaridan faqat qochib qutilish mumkin. Sel xavfi to‘g‘risida xabar eshitgandan so‘ng darhol xavfsiz joyga ko‘chish harakatlarini qilish kerak. Sel oqimining tez fursatda shakllanishi, uning tezligini hisobga olgan holda, xabar tarqatish va muhofaza tadbirlarini bajarish uchun vaqt juda chegaralanganligini (bir necha daqiqadan 10—20 daqiqagacha bo‘lishi mumkin) doimo yodda tutish lozim;

sel oqimidan xalos bo‘lishning iloji bo‘lmasa, balandroq tepalik ustiga, daraxtga yoki biror balandroq moslamalar ustiga chiqish kerak. Odatda sel 3—5 soat davom etishi mumkin. Sel oqimi o‘tgandan so‘ng devor va ustunlarning holatini, gaz, elektr va suv ta’minotining sozligini tekshirish zarur.

Sizda so‘nggi kunlarda O‘zbekiston bo‘ylab kuzatilayotgan yog‘ingarchilik oqibatlari va ularni bartaraf etish holatlari aks etgan foto va videolar bo‘lsa, ularni qachon va qayerda olingani haqidagi ma’lumotni ilova qilgan holda Telegram’dagi @daryo_livebot’ga yuboring.

Izoh
Asosiy yangiliklar
Sport
YCHL. “Bavariya” o‘z maydonida raqibini tor-mor etdi, “Marsel” 5 ta gol urilgan o‘yinda “Sporting” ustidan yirik hisobda g‘alaba qozondi
Mahalliy
“Daryo” kundaligida 4-oktabrda sodir bo‘lgan eng muhim voqealar
Dunyo
Belgorod shahri osmonida noma’lum uchqun paydo bo‘ldi (video)