Xitoy janubidagi Guansi-Chjuan muxtor tumanida noma’lum shaxs pichoq bilan bolalar bog‘chasida hujum uyushtirdi, deb yozadi “RBK” Xinhua agentligiga tayanib.

Foto: EPA

Dastlabki ma’lumotlarga ko‘ra, Beylyu shahrida yuz bergan hodisada 18 kishi , shu jumladan, 16 nafar bola va 2 tarbiyachi jabrlangan.

Global Times ma’lumotlariga qaraganda, jabrlanganlarning barchasi kasalxonaga yotqizilgan. Bolalarning ikki nafari og‘ir jarohat olgan.

Bolalar bog‘chasiga hujum qilishda gumonlanib bir kishi qo‘lga olingan. Hodisa bilan bog‘liq barcha holatlar aniqlashtirilmoqda.

Hujum mahalliy vaqt bilan taxminan 14:00 da (Toshkent vaqti bilan 11:00) xususiy bog‘chalardan birida amalga oshirilgan.

Ijtimoiy tarmoqlar va OAVlarda yaralangan bolalar aks etgan videolar tarqalmoqda.