Rossiyalik rejissor Maryus Vaysberg Eldar Ryazanovning “Taqdir hazili” filmining ingliz tilidagi versiyasini suratga oladi, deb xabar beradi “RIA Novosti”.
“About Fate” nomli kartinada Emma Roberts va Tomas Mann kabi Gollivud yulduzlari suratga tushadi. Suratga olish ishlari yoz faslida Bostonda boshlanishi rejalashtirilgan.
“Sovet davriga oid madaniy merosimiz jahon mulkiga aylanishidan juda xursandman. Ushbu loyiha ustida uzoq yillar ishladim va oxir-oqibat sherigim Vladimir Koshelyev sharofati bilan ajoyib ssenariyni yaratishga muvaffaq bo‘ldik”, — deydi Vaysberg.
Maryus Vaysberg — “Yengil tabiatli buvi”, “Gitler kaput!”, “Katta shahardagi sevgi” kabi komediyalar rejissori, ssenariynavisi va prodyusseri hisoblanadi.
Ma’lumot uchun, rejissor Eldar Ryazanovning “Taqdir hazili yoki qushdek yengil bo‘ling” filmi 1976-yil 1-yanvarda ekran yuzini ko‘rgan.
Izoh (0)