Yevropa Chempionlar Ligasining 1/4 final dastlabki bahslari doirasidagi to‘rtta o‘yin 7 va 8-aprel kunlari bo‘lib o‘tdi.

Foto: UEFA

UEFA mazkur o‘yinlar yakuniga ko‘ra, hafta ramziy terma jamoasini e’lon qildi. Undan “Chelsi”ning to‘rt nafar futbolchisi o‘rin oldi. Shuningdek, PSJdan uch nafar, “Real” va “Manchester Siti”dan ikki nafardan futbolchi top-11 likdan joy olgan.

UEFA talqiniga ko‘ra YChL hafta ramziy (fentezi) terma jamoasi:

Darvozabon: Eduard Mendi (“Chelsi”);

Himoyachilar: Markinyos (PSJ), Sezar Aspilikueta, Ben Chiluell (ikkisi “Chelsi”);

Yarim himoyachilar: Meyson Maunt (“Chelsi”), Fil Foden, Kevin de Bryuyne (ikkisi “Manchester Siti”), Vinisius Junior, Marko Asensio (ikkisi “Real”);

Hujumchilar: Neymar, Kilian Mbappe (ikkisi PSJ).

Mavzuga doir: Yevropa Chempionlar Ligasida haftaning eng yaxshi o‘yinchisi nomiga da’vogarlar e’lon qilindi

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!