Bugun,

  • USD 11014.01
  • RUB 191.8
  • EUR 10674.78

Yevropa mintaqasida JCh—2022 saralashi 3-turi doirasidagi bir qator uchrashuvlar 30-mart, seshanba kuni bo‘lib o‘tdi.

Foto: Twitter / “Daryo”

Foto: Twitter / “Daryo”

A guruhidan o‘rin olgan o‘yinda Portugaliya Lyuksemburg maydoniga safar qildi va 3:1 hisobidagi g‘alabani qayd etdi. Krishtianu Ronaldu, Diogu Jota va Joau Palinyaning gollariga mezbonlar Jerson Rodrigeshning yagona goli bilan javob qaytardi. Guruhda Portugaliya 7 ochko peshqadamlik qilayotgan bo‘lsa, Lyuksemburg 3 ochko bilan 3-o‘rinda bormoqda.

Foto: Twitter / “Daryo”

Foto: Twitter / “Daryo”

Belgiya o‘z maydonida Belarusni qabul qilib, yirik g‘alabani tantana qildi. Belgiya safida Mishi Batshuayi, Hans Vanaken (dubl), Leandro Trossard (dubl) Jeremi Doku, Dennis Prat, Kristian Benteke kabi o‘yinchilar o‘z nomiga gol yozdirib qo‘ydi. Shu tariqa o‘yin 8:0 hisobida mezbonlarning g‘alabasi bilan yakunlandi. Belgiya 3-turdan keyin 7 ochko bilan E guruhida peshqadamlik qilmoqda. Belarus esa (3) 4-o‘rinda bormoqda.

Foto: Twitter / “Daryo”

Foto: Twitter / “Daryo”

Niderlandiya mehmonda Gibraltar darvozasiga javobsiz 7 ta to‘p kiritdi. Gollar Stiven Bergyoys, Lyuk de Yong, Memfis Depay (dubl), Jorjinyo Veynaldum, Doniell Malen va Donni van de Bek hisobiga yozildi. Niderlandiya G guruhida 2-o‘rindan joy egallagan, birorta ham ochko ololmagan Gibraltar esa so‘nggi, 6-o‘rinda bormoqda.

Foto: Twitter / “Daryo”

Foto: Twitter / “Daryo”

H guruhidan o‘rin olgan o‘yinda Rossiya mehmonda Slovakiyaga 2:1 hisobida imkoniyatni boy berib qo‘ydi. Mezbonlar safida Milan Shkrinyar va Robert Mak gol urgan bo‘lsa, ruslarning yagona javob goli Mario Fernandes hisobiga yozildi. Jamoalar guruhda 6 (Rossiya) va 5 (Slovakiya) ochko jamg‘argan holda 2 hamda 3-o‘rinlarni egallab turibdi.

Foto: Twitter / “Daryo”

Foto: Twitter / “Daryo”

Xorvatiya esa Maltadan 3:0 hisobida ustun keldi. Gollarga Ivan Perishich, Luka Modrich va Yosip Brekalo muallif bo‘ldi. Xorvartlar ushbu g‘alabadan so‘ng 6 ochko bilan guruh peshqadamiga aylanib oldi.

JCh—2022 saralashi

3-tur bahslari

30-mart, seshanba

Lyuksemburg – Portugaliya 1:3

Gollar: 10 – 30 Rodrigesh, 1:1 – 45 Diogu Jota, 1:2 – 50 Ronaldu, 1:3 – 80 Palinya.

Belgiya – Belarus 8:0

Gollar: 1:0 – 14 Batshuayi, 2:0 – 17 Vanaken, 3:0 – 38 Trossard, 4:0 – 42 Doku, 5:0 – 49 Prat, 6:0 – 70 Benteke, 7:0 – 75 Trossard, 8:0 – 89 Vanaken.

Gibraltar – Niderlandiya 0:7

Gollar: 0:1 – 41 Bergeys, 0:2 – 55 de Yong, 0:3 – 61 Depay, 0:4 – 62 Veynaldum, 0:5 – 64 Malen, 0:6 – 85 van de Bek, 0:7 – 88 Depay.

Slovakiya – Rossiya 2:1

Gollar: 1:0 – 38 Shkrinyar, 1:1 – 71 Fernandes, 2:1 – 74 Mak.

Chernogoriya – Norvegiya 0:1

Gol: 0:1 – 35 Syorlot.

Turkiya – Latviya 3:3

Gollar: 1:0 – 2 Karaman, 2:0 – 33 Chalxono‘g‘lu, 2:1 – 35 Savalniyeks, 3:1 – 52, penalti Yilmaz, 3:2 – 58 Uldrikis, 3:3 – 79 Ikauniyeks.

Uels – Chexiya 1:0

Gol: 1:0 – 81 Jeyms.

Ozarbayjon – Serbiya 1:2

Gollar: 0:1 – 16 Mitrovich, 1:1 – 59, penalti Mahmudov, 1:2 – 81 Mitrovich.

Kipr – Sloveniya 1:0

Gol: 1:0 – 42 Pittas.

Xorvatiya – Malta 3:0

Gollar: 1:0 – 62 Perishich, 2:0 – 76, penalti Modrich, 3:0 – 90 Brekalo.

Izoh
Asosiy yangiliklar
Dunyo
Rossiyalik milliarderlar yil boshidan buyon qariyb 100 mlrd dollar yo‘qotgan
Dunyo
Zaporojye AES bosh direktori Igor Murashov Rossiya asirligidan ozod qilindi
Mahalliy
“Jamoaga yordam bermaganlar uni yo‘q joydan qoralayotgani achinarli” — Sherzod Shermatov 819 mln so‘m sarflangan IT tadbiri haqidagi gaplarni “mayda g‘iybatlar” de...