Bugun,

  • USD 11095.31
  • RUB 173.84
  • EUR 10772.44

Sankt-Peterburgning Krasnogvardeyskiy tuman sudi milliy adovat sabab 2019-yil sentabr oyida O‘zbekiston fuqarosiga qilingan hujum bo‘yicha ikki ayblanuvchini qamoq jazosiga hukm qildi, deb xabar qildi 15-mart kuni shahar sudlari matbuot xizmatiga tayanib “Interfaks”.

Ayblanuvchi Vladislav Smolikov besh yilga, uning sherigi Roman Kulev esa besh yil ikki oyga ozodlikdan mahrum etildi. Sudlanuvchilar jazolarini qat’iy rejimdagi koloniyada o‘taydi.

Sud Smolikov va Kulev slavyan ko‘rinishga ega bo‘lmagan odamlarga nisbatan adovati sabab 2019-yil 17-sentabrga o‘tar kechasi Sredneoxtinskiy prospektidagi uylardan biri yonida o‘zbekistonlik fuqaroga aerozol idishi va sayyohlik pichog‘i bilan hujum qilganini aniqladi. Jabrlanuvchi og‘ir ahvolda kasalxonaga yotqizilgan.

Kulevning Moskvadagi kvartirasida tintuv o‘tkazilganida politsiya ruxsatnomasiz saqlangan otish uchun yaroqli to‘pponcha topgan.

Ish sudga kelganida, Smolikov va Kulev qotillikka urinishda ayblangan. Keyinchalik hibsga olinganlarning xatti-harakatlari “qasddan badanga og‘ir shikast yetkazish” moddasi bo‘yicha qayta malakalangan.

“Interfaks” manbasining xabar berishicha, jinoyat sodir etilgan paytda Kulevning yoshi 24 da ekani, Bauman nomidagi Moskva davlat texnika universitetining oltinchi kurs talabasi ekani aniqlangan. Smolikov 2019-yil sentabr oyida 18 yoshga to‘lgan. U hech qayerda o‘qimagan va ishlamagan.

Bundan avval Sankt-Peterburgda 29 yoshli o‘zbekistonlik ayol o‘ldirib ketilgani, qotillikda 22 yoshli o‘zbekistonlik yigit gumonlanib, qo‘lga olingani, Rossiya turli jinoyatlarda ayblangan to‘rt nafar shaxsni O‘zbekistonga topshirgani hamda xalqaro qidiruvda bo‘lgan o‘zbekistonlik erkak Rossiyada qo‘lga olingani haqida xabar berilgandi.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
Markaziy bank raisining kripto-aktivlar bo‘yicha ma’lumoti rad etildi