2021-yil 9-martdan Toshkentdagi Puchon universitetida ta’lim olishni istagan abituriyentlardan hujjatlarni qabul qilish boshlanadi.
Fakultetlardagi o‘qitish tizimi, shartnoma qiymati
Maktabgacha ta’lim (3 + 1)
Yiliga 2,200 dollar
1) Toshkentda 3 yillik o‘qish tugallangandan keyin Bucheon University in Tashkent bakalavr diplomi va Puchon universitetining (Koreya Respublikasi) Associate Bachelor Degree bakalavr darajasi beriladi;
2) Talaba o‘z istagiga binoan Koreyada o‘qishini davom ettirishi va 4-kursni tugatgandan so‘ng, Puchon universitetining (Koreya Respublikasi) bakalavr diplomini olishi mumkin.
Koreys tili va menejmenti (2 + 2)
Yiliga 3,300 dollar
1) Toshkentda 2 yillik o‘qish. Uning natijasiga ko‘ra, 1 ta diplom — Puchon universitetining (Koreya Respublikasi) Associate Bachelor Degree bakalavr darajasi beriladi;
2.1) Agar talaba o‘qishni Toshkentda davom ettirishga qaror qilsa, u holda uchinchi va to‘rtinchi kurslarni muvaffaqiyatli tamomlagandan so‘ng, Bucheon University in Tashkent bakalavr diplomi beriladi;
2.2) Agar talaba Janubiy Koreyada o‘qishni davom ettirishga qaror qilsa, 3 va 4 kurslarni muvaffaqiyatli tugatganidan so‘ng, Puchon universitetining (Koreya Respublikasi) bakalavr diplomi beriladi.
Arxitektura (3 + 1)
Yiliga 3,300 dollar
1) Toshkentda 3 yillik o‘qish. Uning natijasiga ko‘ra, 1 ta diplom beriladi: Puchon universitetining (Koreya Respublikasi) Associate Bachelor Degree bakalavr darajasi;
2.1) Agar talaba to‘rtinchi kursni Toshkentda davom ettirishga qaror qilsa, uni muvaffaqiyatli tugatgandan so‘ng, Bucheon University in Tashkent bakalavr diplomini oladi;
2.2) Agar talaba Janubiy Koreyada o‘qishni davom ettirishga qaror qilsa, uni muvaffaqiyatli tugatganidan so‘ng, Puchon universitetining (Koreya Respublikasi) bakalavr diplomiga ega bo‘ladi.
To‘lov talaba qabul qilinganligi to‘g‘risidagi buyruq chiqarilgan kuni, O‘zbekiston Respublikasi Markaziy banki tomonidan shu kungi kurs bo‘yicha so‘mda amalga oshiriladi.
Qabul komissiyasi
Hujjatlarni qabul qilish 2021-yil 9-martdan 2-aprelga qadar davom etadi.
Hujjatlarni oflayn tarzda quyidagi manzil bo‘yicha topshirish mumkin: Toshkent shahri, Chilonzor tumani, 17-mavze, Qatortol-2 ko‘cha, 38-A bino (sobiq Yunus Rajabiy nomidagi pedagogika kolleji, mo‘ljal: shahar bojxonasi, Singapur menejmentni rivojlantirish universiteti).
Qabul soatlari dushanbadan jumagacha, soat 10:00 dan 17:00 gacha.
Onlayn topshirish uchun:
- universitet veb-saytida (www.bucheon.uz) telefon raqamni tasdiqlash;
- shaxsiy kabinet orqali anketani to‘ldirib, barcha kerakli hujjatlarni biriktirish;
- ro‘yxatdan o‘tish uchun to‘lovni universitetda yoki Apelsin ilovasi orqali amalga oshirish mumkin;
- to‘lov amalga oshirilgani haqidagi kvitansiyani shaxsiy kabinetga biriktirish.
Arizalarni onlayn yuborish 24 soat davomida ishlaydi. Taqdim etilgan hujjatlarni ko‘rib chiqish dushanbadan jumagacha, soat 10:00 dan 17:00 gacha amalga oshiriladi.
Nomzodlar quyidagi hujjatlar to‘plamini taqdim etishlari shart:
1. diplom (attestat) yoki o‘qish joyidan olingan ma’lumotnoma nusxasi;
2. pasport nusxasi;
3. www.bucheon.uz saytida onlayn shaklda to‘ldirilgan ariza;
4. 3x4 hajmdagi 1 ta fotosurat;
5. 250 000 so‘m miqdordagi ro‘yxatdan o‘tish uchun to‘lov.
Qabul komissiyasiga doir savollar bo‘yicha quyidagi raqamlarga murojaat qiling: (+998 78) 150 40 02, (+998 95) 196 36 01
Kirish imtihonlari
12-apreldan 14-aprelgacha Davlat test markazi tomonidan test sinovlari o‘tkaziladi:
- “Maktabgacha ta’lim” va “Arxitektura” yo‘nalishlari bo‘yicha abituriyentlar ingliz tilidan test sinovlarini topshiradi;
- “Koreys tili va menejment” yo‘nalishi bo‘yicha abituriyentlar koreys tilidan test sinovlarini topshiradi.
Yozma imtihondan (test) ozod qilinish shartlari:
- “Maktabgacha ta’lim” va “Arxitektura” yo‘nalishlari bo‘yicha — 5,5 va undan yuqori IELTS yoki V1 va undan yuqori CEFR sertifikatining mavjudligi;
- “Koreys tili va menejment” yo‘nalishi bo‘yicha — 3 va undan yuqori TOPIK sertifikatining mavjudligi.
Saralash bosqichlarining natijalari 2021-yil 30-aprel kuni abituriyentning shaxsiy kabinetida e’lon qilinadi.
Reklama huquqi asosida.
Izoh (0)