Italiyalik tajribali mutaxassis Karlo Anchelotti Braziliya terma jamoasiga bosh murabbiy etib tayinlandi. Bu haqda Braziliya futbol konfederatsiyasi ma’lum qildi.
Braziliya futbol konfederatsiyasiprezidenti Ednaldo Rodriges bu qarorni quyidagicha izohladi:
Karlo Anchelottining terma jamoaga kelishi — bu shunchaki strategik qadam emas, bu butun dunyoga yo‘llangan bayonotdir. Biz yana futbol taxtining cho‘qqisiga qaytmoqchimiz. U — tarixdagi eng buyuk murabbiy, sayyoramizdagi eng kuchli jamoalarni boshqargan. Endi birgalikda Braziliya futboli tarixiga yangi shonli sahifalarni yozamiz.
Hozirda “Real”ni boshqarayotgan Anchelotti mavsum so‘nggida madridliklarni tark etadi. Shundan keyin “pentakampeonlar” tarkibida ish boshlashi kutilmoqda.
Ma’lumotlarga ko‘ra, Anchelotti 2026-yilgi jahon chempionati saralash bosqichining navbatdagi bahslarda jamoani boshqaradi. Braziliya 6-iyun kuni Ekvadorga, 11-iyun kuni esa Paragvayga qarshi maydonga tushadi.
Izoh (0)